Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> سب توں پہلاں امریکہ:امریکی وزٹ ویزا اوکھا، سوشل میڈیا اکاؤنٹ وی ویکھن گے

سب توں پہلاں امریکہ:امریکی وزٹ ویزا اوکھا، سوشل میڈیا اکاؤنٹ وی ویکھن گے

وچار ڈیسک
July 2nd, 2017

سب توں پہلاں امریکہ دے نعرے دے منفی لشکارے آنے شروع ہو گئے۔سب توں پہلاں امریکہ دا نعرہ ہوئے یا سب توں پہلاں برطانیہ یا پاکستان دا نعرہ ، اج دی عالمگیریت وچ قدامت پرستیاں دے لشکارے نیں۔ڈیجیٹل دنیا وچ فاصلے مک رہے نیں تے اک دوجے ملکاں وچ آن جان وادھو کہ امیگرنٹس نویں عالمگیریت دا بوتھا نیں تے ٹرمپ ایس نوں روکنا چاہندا ہے۔وائس آف امریکہ دی خبر آپ پڑھو تانجے تہانوں پتہ چلے کہ نویں ویزا پالیسی کیہہ ہے۔
حال ہی وچ امریکی انتظامیہ نے ویزے دے پراسس وچ پچھلے پنچ سالاں دے سوشل میڈیا اکاؤنٹس تے 15 سال دی بائیوگرافک معلومات نوں وی شامل کر دتا ہے۔ جس دا مطلب ایہہ ہے کہ قونصل دے عہدے دار درخاست گذار توں فیس بک اکاؤنٹ تے 15 سال دے دوران سفر توں متعلق وضاحت طلب کر سکدے نیں۔ صدر ڈونلڈ ٹرمپ نے بدھ دے روز اک ایگزیکٹو آرڈر تے دستخط کیتے نیں جس پاروں سابقہ صدر براک اوباما دور دی انہاں گائیڈ لائنز نوں مکا دتا گیا ہے جنہاں وچ امریکی قونصل خانیاں نوں ویزیاں دی پراسسنگ داویلہ متھن دی ہدائیتاں دتیاں سن۔ ایس حکم نامے دے بعد امریکہ دے وزٹ ویزے دے درخاست گذاراں نوں پہلے توں زیادہ اڈیکنا پئے سکدا ہے۔ نویں حکم نامے وچ 2012 دے حکم نوں مکا دتا گیا ہے جس وچ سٹوڈنٹ تے وزیٹرویزے سمیت نان امیگرنٹ ویزے نوں تیزی نال پراسس کرن دا آکھیا گیا سی۔ سابق صدر براک اوباما ولوں محکمہ خارجہ نوں جاری کیتے جان والے حکم وچ آکھیا گیا سی کہ اوہ نان امیگرنٹ ویزے دی درخاست وصول ہون دے تِن ہفتیاں دے اندر 80 فی صد درخاست گذاراں دے انٹرویو یقینی بناون۔ نواں حکم نامہ اتے بعض امیگریشن پالیسیاں تے انہاں دے اطلاق توں متعلق ٹرمپ انتظامیہ دی کئی مہیناں تے مشتمل انہاں کوششاں بعد سامنے آیا ہے جیہناں دے متعلق عہدے داراں دا کہنا ہے کہ ایس دا مقصد درخاست گذاراں دی کڑی جانچ پڑتال ہے۔ جس دا مطلب ایہہ ہے کہ قونصل دے عہدے دار درخاست گذار توں فیس بک اکاؤنٹ دے بارے وچ سوال کر سکدے نیں تے ایس توں انہاں ساریاں مقاماں دی تفصیلی فہرستاں طلب کرسکدے نیں جتھے ایس نے 15 سال دے عرصے وچ سفر کیتا ہوئے۔ صدر ٹرمپ نے سیکیورٹی وجوہات پاروں مارچ وچ چھ ملکاں دے شہریاں تے امریکہ وچ داخلے تے عارضی پابندی عائد کیتیاں سن جیہناں وچ ایران، لیبیا، صومالیہ، شام، سوڈان تے یمن شامل سن۔ ایس ایکزیکٹو آرڈر دے خلاف مقدمات دے بعد عدالتاں نے ایس دے کئی حصیاں تے عمل درآمد روک دتا سی۔ پر ہن عدالت توں عارضی اجازتاں پاروں ٹرمپ ایس کم نوں وی چک دتا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels