Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> کیہہ اٹلی ٹرمپ دا مرید بن رہیا ہے؟ہورپناہ گزیناں نوں نہیں وڑن دواں گے۔اٹلی

کیہہ اٹلی ٹرمپ دا مرید بن رہیا ہے؟ہورپناہ گزیناں نوں نہیں وڑن دواں گے۔اٹلی

وچار ڈیسک
July 4th, 2017

اک پاسے کل انسانیت نوں بچاون دے دعوے تے فلسفے،دوجے پاسے بدلدی سیاستاں دا بوتھا, تریجے پاسے شام، لبیا تے افریقی ملکاں وچ وڈے ملکاں دی کوڑ پالیسیاں تے جے ایس سب نال انساناں دے ہڑھ اپنی دھرتیاں نوں چھڈن تے مجبور ہون تے ایس نوں کیہہ آکھیا جا سی۔اٹلی نے اپنے ایتھے ہزاراں پناہ گزیناں نوں اٹلی دی ساحلی تھاواں توں وڑن خلاف پالیسی دا اعلان کر دتا تانجے اوہ بے وطنے یورپ نال وگدے رومی سمندر دے آل دوال وسدے دوجے ملکاں ول جان تے مجبور ہو جان۔اینج جاپدا ہے کہ اٹلی وی ٹرمپ دی لین تے چلن دا ارادہ کر لتا ہے۔ ہن تک اٹلی دا ملک، یورپ وچ وڑن لئی رومی سمندر دے آل دوال وسن والے ملکاں دے بے وطنیاں داوڈا بوہا سی۔ سمندراں راہیں آون والے ایہہ بے وطنے بھیڑے حالاں دا شکار نیں۔ نرے شمالی افریقہ توں آن والے تقریباً دو ہزار توں زائد تارکین یورپ پہنچن دی خواہش وچ موت دا شکار وی ہوچکے نیں۔ اٹلی ولوں ایہہ اعلان یا پالیسی شفٹ اک ایسے وقت آیا سی جداں دو دن پہلاں اٹلی، فرانس تے جرمنی دے وزرائے داخلہ پیرس وچ ملاقات کررہے سن جس دا ٹیچااٹلی دے ساحلاں تے بڑی تعداد وچ تارکین وطن دی آمد توں پیدا ہون والے مسلیاں تے غور کرنا سی۔ایس توں تساں اوس پریشر دا اندازہ لاسکدے ہو جیہڑہ اٹلی تے ودھ رہیا ہے۔پچھلے سال دو لکھ بے وطنے نرے اٹلی وچ ورے سن اتے ایس سال ایہہ گنتری ودھ سکدی جے۔۔ یورپی کمیشن نوں لکھے گئے اک خط وچ یورپی یونین لئی اٹلی دے سفیر موریزیو ماساری دا کہنا سی کہ صورتحال ’’ناقابل برداشت‘‘ ہوچکی ہے۔ اٹلی ایس ضمن وچ دوجے یورپی ملکاں توں وی اپنا کردار ادا کرن دا مطالبہ کرچکیا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels