Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> بھارت،اسرائیل بمقابلہ چین: بھارت 1890 دے سرحدی معاہدے دی خلاف ورزی کررہیا ہے۔ چین

بھارت،اسرائیل بمقابلہ چین: بھارت 1890 دے سرحدی معاہدے دی خلاف ورزی کررہیا ہے۔ چین

وچار ڈیسک
July 4th, 2017

بھارت اسرائیل نال مل کے چین مخالفتاں دا کم چکنا چاہندا ہے کہ کتھے مکین ایس کم وچ پاکستان نوں چپ کروان لئی تے پاکستان نہیں آئے سن؟پاکستان دے اک پاسے قطر سعودی جیہڑا جاری ہے تے دوجے بنے بھارت چین لڑائی سر چک رہی ہے کہ اگلے کجھ مہینیاں وچ پڑ لگ سکدا جے۔کیونجے بھارت مخالف اج کل سعودی امریکی اتحاد وچ پاکستان دی حاضریاں نوں ویلے دی لوڑ آکھ رہے نیں تاں اوہ بھارت چین جھیڑے وچ نیوٹرل رہن تے زور دین گے یا بھارت دی اوسے طراں دی کاغذی مخالفت تے زور دین گے جنج غازی جنرل ایوب خان1962 وچ کیتی سی۔انہان عالمی ایجنڈیان دا پاکستانی جاری سیاستاں تے اثر وادھو۔
چین نے پیر دے روز آکھیا سی کہ بھارت 1890 دے سرحدی معاہدے دی خلاف ورزی کررہیا ہے جو ایس وقت دی برطانوی حکومت تے چین دے درمیان ہویا سی۔ چین نے آکھیا ہے کہ بھارت نوں ایس سنجیدہ صورت حال توں نکلن لئی ایس معاہدے دا احترام کرنا چاہیدا ہے۔ دوناں ملکاں دے درمیان ایہہ سرحدی تنازع پہاڑی علاقے سکم توں متعلق ہے جس دی سرحداں چین نال ملدیاں نیں۔ دوناں ملکاں دے درمیان تقریباً 35 سو کلو میٹر سرحد سانجھی ہے۔ چین دا الزام ہے کہ جون دے شروع وچ بھارتی سرحدی محافظاں نے ڈانگ لانگ دے علاقے وچ داخل ہوکے اوتھے تعمیر کیتی جان والی سڑک دے کم وچ رکاوٹ پائی سی۔ جس دا نتیجہ دوناں ملکاں دے فورسز دے درمیان جھڑیاں دی صورت وچ نکلیا۔ ایہہ جھڑے اک ایسے علاقے دے قریب ہوئے جس دی بہوں زیادہ سٹرٹیجکٹ اہمیت ہے۔ ایہہ اک تنگ جہی راہداری ہے جو بھارت نوں اپنے قریبی اتحادی ملک بھوٹان توں ملاندی ہے۔ چین دی وزارت خارجہ دے بلارے گینگ شوانگ نے معمول دی نیوز کانفرنس وچ آکھیا کہ سکم دی سرحد دا معاملہ 1890 دے معاہدے وچ طے کردتا گیا سی تے ایس توں پہلے دی بھارتی حکومتاں وقتاً فوقتاً ایس معاہدے دی توثیقاں کردیاں رہیاں نیں۔ بلارے مزید آکھیا کہ بھارتی فورسز دے دستیاں دا چین دی حدود وچ داخل ہونا ایس تاریخی معاہدے دی خلاف ورزی تے اقوام متحدہ دے چارٹر دے خلاف ہے۔ انہاں نے آکھیا کہ ایہہ سنگین معاملہ ہے تے بھارت نوں چینی علاقے توں اپنے فوجی دستے واپس بلانے چاہیدے نیں۔ بھارت دی وزارت خارجہ نے ایس دے رد عمل وچ اپنے جمعے دے روز دے اک بیان دا حوالہ دتا جس وچ چین نوں خبردار کیتا گیا سی کہ اوہ مشترکہ سرحد دے قریب سڑک تعمیر نہ کرے کیونکہ ایہہ سکیورٹی دے نکتہ نظر توں سنگین معاملہ ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels