Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> پاک افغان امن کوششاں وچ زنانیاں رلتی۔اک سوہنی خبر

پاک افغان امن کوششاں وچ زنانیاں رلتی۔اک سوہنی خبر

وچار ڈیسک
July 20th, 2017

اسلام آباد: پاکستان تے افغانستان دے سانگیاں وچ پائی جان والی کشیدگیاں وچ کمی لئی سول سوسائٹی، قنون سازاں تے میڈیا دے بلاریاں دی پدر تے رابطیاں تے غیر رسمی سفارت کاریاں دے تحت گل بات چلدی رہندی ہے۔ کابل تے اسلام آباد دے درمیان تناؤ وچ کمی تے دوناں ملکاں نوں درپیش دہشت گردی سمیت دوجے مشترکہ چیلنجاں نال نبڑن لئی مختلف شعبیاں توں تعلق رکھن والی پاکستانی تے افغان زنانیاں وی ہن انہاں کوششاں وچ رلتی ہوگئی ہے۔ پاک افغان ویمن پیس ایکسچینج پروگرام دے تحت پیر نوں اسلام آباد وچ پنج روزہ گل بات جاری ہے۔ایس وچ 17 افغان تے 15 پاکستانی زنانیاں حصہ لے رہیاں نیں۔ افغانستان وچ اک غیر سرکاری تنظیم ویمن نالج اینڈ لیڈر شپ دی بانی حریہ ثمیرہ حامدی نے وائس آف امریکہ نال گل بات وچ آکھیا کہ پاکستان تے افغانستان وچ امن تے دو طرفہ مسلیاں دے حل وچ عورتاں دے کردار دی اہمیت نوں نظر انداز نہیں کیتا جاسکدا۔ جے دو حکومتاں دے درمیان گل بات ہورہی ہے تے ایس وچ عورتاں دا کردار نہیں ویکھدے پر ایس لئی سانوں کوشش کرنی ہے۔ انہاں دا کہنا سی کہ اوہ پاکستانی عورتاں دے نال رل کے سانجھے مسلیاں دا حل تلاش کرن لئی اسلام آباد آئیاں نیں تانجے سانجھے چیلنجاں دا رل کے مقابلہ کیتا جاسکے۔ گل بات دے ایس سلسلے وچ شامل پاکستانی سینیٹ دی رکن ستارہ ایاز آکھیا کہ معاشرے دے ہر طبقے وچ عورتاں موجود نیں تے انہاں دے بقول عورتاں نوں ایہہ کوشش کرنی چاہیدی ہے کہ انہاں دی موثر آواز دوناں ملکاں دی قیادت تک پہنچے۔ دوناں ملکاں نوں اپنی لڑائیاں مکانیاں ہون گیان اتے اک دوجے تے تنقید بند کرنا ہوئے گی۔ جے اسی ایہہ نہیں کراں گے تے دوناں لئی ماڑی گل ہے۔ گل بات دے ایس سلسلے دی پاکستان وچ میزبان تے غیر سرکاری تنظیم ’اوئیر گرلز‘ دی شریک بانی گلالئی اسماعیل نے وائس آف امریکہ نال گل بات کردے آکھیا کہ ایس گل نوں سمجھن دی ضرورت ہے کہ دہشت گردی ہوئے یا دوجے مسئلے انہاں پاروں زنانیاں انج ہی بھیڑی پیندیاں نیں جنج مرد۔ ایس لئی انہاں دے بقول عورتاں نوں سرکاری پدر تے دوناں ملکاں دے درمیان ہون والی گل بات دا حصہ ہونا چاہیدا ہے۔ جداں طالبان دے نال مذاکرات ہوندے نیں اوتھوں وی عورتاں نوں کڈھ دتا جاندا ہے۔ جداں ملکاں دے درمیان مذاکرات ہوندے نیں اوتھوں وی عورتاں نوں کڈھ دتا جاندا ہے۔ دونوں پڑوسی ملکاں دے درمیان مذاکرات دی میزبانی ’اویئر گرلز‘ نامی غیر سرکاری تنظیم تے اوس دی شراکت دار تنظیماں کررہیاں نیں۔ امن لئی دوناں ملکاں دی زنانیاں دے درمیان مذاکرے دا ایہہ دوجا دور ہے۔ ایس توں پہلے مئی 2017 وچ گل بات دے پہلے سلسلے دا پروگرام کابل وچ ہویا سی۔ پاکستان تے افغانستان نال تعلق رکھن والی خواتین دا کہنا ہے کہ انہاں دے آپسی رابطے انہاں کاوشاں دا حصہ نیں جو دوناں ملکاں دے درمیان شک دی فضا دے خاتمے لئی کیتیاں جارہی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels