Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> ہور چوپو:امریکہ وچ نسل پرستی تے تعصب دی کوئی تھاں نہیں، صدر ٹرمپ

ہور چوپو:امریکہ وچ نسل پرستی تے تعصب دی کوئی تھاں نہیں، صدر ٹرمپ

وچار ڈیسک
August 15th, 2017

الیکشن جتن لئی جو گند ٹرمپ پھیلایا سی اوہ ہن اوس دے سامنے آرہیا ہے اتے ہن اوہ نسل پرستاں نوں تڑیاں لا رہیا ہے۔ایس بارے میڈیاوچ جیہڑی خبرآئی اوہ تساں پڑھو تے ٹرمپ دی چوناں توں پہلے دی تقریراں یاد کرو بس چیتا ہو جائے گا پئی کوڑ بیانیہ اپنے ہی اگے آندا ہے۔
امریکہ صدر ڈونلڈ ٹرمپ نے ورجینیا دے قصبے شارلٹزول وچ ہفتہ نوں ہون والی سفید فام بالا دستی دی حمایت وچ ریلی دی مذمت کیتی ہے جس دا نتیجہ تشدد تے ہلاکتاں دی صورت وچ نکلیاسی۔ صدر نے اپنے بیان وچ آکھیا ہے کہ نسل پرستی اک برائی ہے۔ صدر ٹرمپ ہوراں آکھیا میں نیونازی گروپس، کوکولس کلین، سفید فام قوم پرست تے نفرت نوں ہوا دین والے دوجے گروپاں نوں جنہاں نے ریلی دا بندوبست کیتا، ناپسندیدگی دی نظر نال ویکھنا ہاں ا تے سانوں صرف امریکی ہونا پسند ہے۔ صدر ٹرمپ نے آکھیا کہ جو کوئی وی شارلٹزول وچ نسل پرستی تے مشتمل تشدد وچ ملوث ہویا ہے، ایس نوں جواب دہ ہونا ہوئے گا۔ ایس نوں انصاف دے کٹہرے وچ لیایا جائے گا۔ انہاں نے آکھیا کہ نسل پرستی تے تعصب دے جس رویے دا مظاہرہ شارلٹزول وچ کیتا گیا ایس دی امریکہ وچ کوئی تھاں نہیں ہے تے میں ایہہ کئی وار پہلے وی کہہ چکیا ہاں کہ چاہے ساڈی جلد دا رنگ کجھ وی ہوئے ساڈے تے اک ہی قنون لگدا ہے۔ اسی اک ہی عظیم پرچم نوں سلامی دیندے ہاں تے سانوں اک ہی خدا نے تخلیق کیتا ہے۔ ایہہ واقعہ ایس وقت پیش آیا جداں ریاست ورجینیا دے اک قصبے شارلٹزول وچ قدیم دور وچ غلام رکھن دے اک حامی رابرٹ لی دا مجسمہ ہٹان دے خلاف سینکڑاں سفید فاماں نے مظاہرہ کیتا سی۔ ایس موقع تے ہون والے جھڑپیاں وچ 19 افراد زخمی ہوئے، جیہناں چوں 10 دے بارے وچ یونیورسٹی آف ورجینیا دے شعبہ صحت نے دسیا کہ انہاں دی حالت بہتر ہورہی ہے۔ جداں کہ 9 زخمیاں نوں ہسپتال توں چھٹی دے دتی گئی۔ ورجینیا پلس دے دو اہل کار ایس وقت ہلاک ہوگئے جداں انہاں دا ہیلی کاپٹر ہفتے دے روز ایس وقت ڈگ کے تباہ ہوگیا جداں اوہ شارلٹزول دے مظاہرے دی فضائی نگرانی کررہے سن۔ شارلٹزول دے تشدد دے سیاسی نتائج صدر ڈونلڈ ٹرمپ تے نکتہ چینی دی شکل وچ ظاہر ہوئے نیں تے انہاں تے سفید فام بالادستی نوں ہدف بنان وچ ناکامی دا الزام لایا گیا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels