Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> بہانہ یا دہری پالیسیاں: پاکستان وچ مذہبی آزادی خطرے وچ ہے۔امریکی خارجہ وزیر

بہانہ یا دہری پالیسیاں: پاکستان وچ مذہبی آزادی خطرے وچ ہے۔امریکی خارجہ وزیر

وچار ڈیسک
August 19th, 2017

دنیا کیہہ کر رہی ہے تے نیرو بانسری وجا رہیا جے۔پاکستانی اشرافیہ آپسی جیہڑیاں پاروں وڈی لڑائی ول نہیں تک رہی یا فیر بڑے طریقے نال امریکہ، برطانیہ تے سعودی عرب نوں رستہ دتا جا رہیا ہے۔ کیہہ ایہہ کوئی ٹائمنگ دا مسئلہ ہے؟یاپاک امریکہ سانگیاں دا اتار،چڑھاؤ۔سعودی عرب وچ مذہبی آزادیاں بارے رپورٹ کیہہ آکھدی ہے؟پر امریکی خارجہ وزیر سعودی عرب بارے اج کل تقیے وچ ہی نیں۔تساں وائس آف امریکہ دی ہشیار خبر پڑھو جس بارے ساڈے اک یار توجہ دواندے ہوئے لکھیا سی کہ ایس خبر نال فوٹو لاندے ہوئے وائس آف امریکہ والے بھل گئے سن کہ اج کل پاکستان وچ سردیاں نہیں۔
وائس آف امریکہ: پاکستان نے امریکی وزیر خارجہ ریکس ٹلر سن دے ایس بیان تے کسی ردعمل دا اظہار نہیں کیتا ہے جس وچ انہاں نے آکھیا کہ پاکستان وچ مذہبی آزادیاں خطرے وچ نیں۔ مذہبی آزادی توں متعلق سالانہ عالمی رپورٹ دے موقع تے امریکی وزیر خارجہ نے آکھیا کہ پاکستان وچ مذہبی آزادی نوں بہوں زیادہ خطرہ جے جتھے دو درجن توں وادھو بندیاں نوں توہین مذہب دے جرماں وچ سزائے موت یا عمر قید دی سزا سنائی جاچکی ہے۔ انہاں نے آکھیا کہ پاکستان وچ احمدی برادری نوں سماجی امتیاز دا وی سامنا ہے۔ انہاں نے ایس توقع دا اظہار کیتا کہ پاکستان دے نویں وزیراعظم (شاہد خاقان عباسی) تے انہاں دی حکومت دھرماں وچ ملن ورتننوں وادھا دین تے مذہبی اقلتیاں دے حقاں دے تحفظ لئی اپنا کردار ادا کرے گی۔ پاکستان دی خارجہ وزارت دے بلارینفیس ذکریا توں جداں امریکی وزیر خارجہ دے بیان بارے پچھیا تے انہاں نے آکھیا اوہ میڈیا رپورٹاں تے ردعمل نہیں دیندے۔ نفیس ذکریا آکھیا کہ مذہبی آزادی تو متعلق امریکی محکمہ خارجہ دی سالانہ رپورٹ نوں پڑھن دے بعد ہی ایس بارے گلبات کیتی جا سی۔ دوجے پاسے پاکستان دے قومی کمیشن برائے انسانی حقوق دے پردھان سابق جسٹس علی نواز چوہان نے جمعرات نوں وائس آف امریکہ نال گل بات وچ اپنے ردعمل وچ آکھیا کہ میں ایس گل توں انکار نہیں کراں گا (کجھ رپورٹ وچ آکھیا گیا ہے) پر ایس نوں ودھا چڑھا کے بیان کیتا جارہیا ہے ۔ ایس وچ کجھ سچائی وی ہے۔ معاشرے دے اندر تناؤ ہے اتے مذہبی اقلیتاں ڈردیاں نیں ایس وجہ توں سانوں وی تشویش ہے۔ ایس لئی اسی کوشش کررہے ہاں تے حکومت توں وی آکھا ں گے کیونجے حکومت وی نہیں چاہندی کہ دھرمی ملن ورتن وچ وگاڑ ہوئے۔ انسانی حقوق دے منے پرمنے غیر سرکاری ادارے ہیومن رائٹس کمیشن آف پاکستان دے سربراہ مہدی حسن کہندے نیں کہ انتہا پسندی پاروں سماج دی مذہبی جڑت وچ پاڑ ودھدا ہے ۔ جمعرات نوں وائس آف امریکہ نال گل بات وچ انہاں دا کہنا سی کہ مذہبی اقلیتاں دے حوالے نال خاص طور احمد برادری نوں بہوں اوکڑاں نیں ۔بے شماری احمدی خاندان ملک توں باہر چلے گئے نیں ۔اسی طراں بلوچستان تے سندھ وچ رہن والے بعض ہندو خاندان بھارت چلے گئے نیں تے جو مسیحی برادری ہے اوہ کجھ زیادہ خوش نہیں ہے۔ حکومت وچ شامل عہدیدار ایہہ کہندے رہے نیں کہ ملک وچ عسکریت پسنداں دی کاروائیاں دی وجہ توں سارے شہری ہی نشانہ بن دے رہندے نیں پر ہن ملک وچ قنون نافذ کرن والے اداریاں دی کاروائیاں دی وجہ توں صورت حال وچ بہتری آئی ہے تے مذہبی اقلیتیاں دے تحفظ نوں یقینی بنان لئی انتظامی پدرتے وی کئی کم کیتے گئے نیں۔ حکومت نے اشتعال انگیز تقریراں تے منافرت تے مشتمل لٹریچر دی اشاعت تے تقسیم دی روک تھام لئی ویبہوں کم کیتا ہے۔ چیتے رہے کہ پچھلے ہفتے اقلتیاں دے قومی دن دے موقع تے پاکستان دے وزیراعظم شاہد خاقان عباسی نے اپنے اک پیغام وچ مذہب رنگ و نسل تے عقیدے توں بالا تر ہو کے ہر شہری دے بنیادی حقوق دے تحفظ نوں یقینی بنان دے عزم دا اظہارکیتا سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels