Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> ناروے: مشرف دی تقریر دوران پھڈا۔ڈکٹیٹر سوالاں توں گھابر گیا

ناروے: مشرف دی تقریر دوران پھڈا۔ڈکٹیٹر سوالاں توں گھابر گیا

وچار ڈیسک
August 19th, 2017

ناروے دے شہر اوسلو وچ ڈکٹیٹر جنرل (ر) مشرف نوں اوس ویلے آپدی تقریر روکنی پئی گئی جداں اوس خلاف احتجاجیاں کجھ اوکھے سوال کیتے تے فیر رولا پئے گیا۔ اوہ نوبل پیس سنٹر وچ بھاشن دین آیا سی جس دا بندوبست امن لئی مکالمہ نامی تنظیم کیتا سی۔ سنٹر دے پردھان اج اک پردیس نوٹ وچ دسیا کہ پئی جداں سوال جواب دا سیشن ہویا تے مشرف خلاف سوال کرن والیاں نوں چپ کروان دی کوششاں ہوئیاں ۔ ایس نال صورتحال قابو توں باہر ہون پاروں اساں ایہہ پروگرام بند کروا دتا۔ مشرف اج کل ناروے وچ ہے اتے اوس دی ناروے آمد نوں مشرف دے حمائتیاں تے لابنگ کرن والیاں بڑا چکیا سی۔ حیران کن گل تے ایہہ ہے پئی امن دے متوالیاں اک ڈکٹیٹر نوں کیوں ایڈیاں اہمتیاں دتیاں سن؟۔ ہلے کجھ دن پہلاں مشرف کھلے عام جمہوریت خلاف بھاشن دتا سی جس پاروں ایہہ گل آکھی جاسکدی ہے پئی اوہ اج وی ڈکٹیٹر شپ دا کڑچھا ہے۔ امن پیس والے کس ایجنڈے پاروں اوس نوں سدیا سی؟ ایہہ کون ہے جیہڑا مشرف نوں چک رہیا ہے؟ کل نوں اوہ ہٹلر دے وارثاں کولوں وی امن تے گل بات سننا چاہون گے؟ ایہہ وقوعہ 17 اگست دے دیہاڑ ہویا کہ ایہہ اوہ دن ہے جداں مشرف توں پہلے والا ڈکٹیٹر ضاالحق ماریا گیا سی۔ ہن ایہہ آکھیا جا رہیا ہے پئی نوبل پیس سنٹر والیاں نے مشرف نوں دعوتاں نہیں دتیاں سن۔ سوال ایہہ ہے پئی کون اک ڈکٹیٹرنوں امن تے گل بات لئی بلایا سی؟کیہہ سادا فارن آفس ایہہ وی چیک نہیں کر سکدا؟مشرف پاکستان دے سافٹ امیج تے اک دھبہ ہے اتے ایس گل دا پتہ لانا چاہیدا ہے پئی کون پاکستان دے سافٹ امیج نوں رگیدنا چاہندا ہے۔ایس ویلے پاکستان وچ جمہوریت دی لڑائی اک نواں موڑ لے چکی ہے اتے ساریاں سیاسی پارٹیاں ڈکٹیٹر شپ تے ڈکٹیٹراں دے خلاف نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels