Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> کامیڈی کنگ جیری پورے ہو گئے

کامیڈی کنگ جیری پورے ہو گئے

وچار ڈیسک
August 24th, 2017

اوہ کامیڈین وی سی،تھیٹراداکار وی سی اتے سب توں ودھ کے اوہ لوک سیوا وچ رجھیا رہندا سی۔ہالی وڈ دے کامیاب ترین مزاحیہ اداکاراں وچ اک جیری لوئس 91 سال دی عمر وچ وفات پاگئے نیں۔ انہاں دے خاندان ولوں جاری کیتے گئے بیان وچ آکھیا گیا ہے کہ اوہ اتوار نوں لاس ویگاس وچ موجود اپنے گھر وچ انتقال کرگئے سن۔ جیری لوئس دی اداکار ڈین مارٹن دے نال دس سالہ شراکت انتہائی مقبول تے کامیاب رہی سی۔ انہاں دوناں نے 16 فلماں بنائیاں جیہڑیاں بہوں کامیاب رہیاں سن۔ اک وقت تے جیری لوئس ہالی وڈ دے مہنگے ترین اداکار سن تے انہاں نے دی بل بوائے، سنڈریلا تے دی ناٹی پروفیسر ورگی کامیاب ترین فلماں بنائیاں۔ ایس دے علاوہ انہاں دی کامیاب فلماں وچ 1983 دی کنگ آف کامیڈی سی جس وچ انہاں نے رابرٹ ڈی نیرو دے نال رل کے کم کیتا۔ انہاں دے انتقال تے ہالی وڈ دے متعدد ستاریاں نے انہاں نوں خراج تحسین پیش کیتا۔ وپی گولڈ برگ دا کہنا سی کہ ایہہ جنت دا فیدہ تے کامیڈی لئی بہت وڈا نقصان ہے۔ سٹار ٹریک دے سٹار اداکار ولیم شیٹنر نے آکھیا کہ اج دنیا بہت گھٹ مزاحیہ ہوگئی ہے۔ مزاحیہ اداکار جم کیری دا انداز ادا کاری جیری لوئس توں بہت زیادہ متاثر ہویا سی۔ انہاں نے آکھیا کہ اوہ فول کوئی بیوقوف نہیں سی۔ اوہ یقیناًاک جینیس سی، اک نعمت سی۔ میں اج ایس دی وجہ توں ہی ہاں۔ جیری لوئس ریاست نیو جرسی دے شہر نیورک وچ پیدا ہوئے۔ انہاں دے والدین روسی یہودی سن تے دوناں دا تعلق فنون لطیفہ نال سی۔ انہاں نے پنج سال دی عمر توں ہی اداکاری دا آغاز کردتا سی جداں اوہ اپنے والدین دے نال اک سٹیج شو وچ شریک ہوئے سن۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels