Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> پاک امریکہ ملاکھڑے:ات گرداں دے ٹھکانے پاکستان وچ۔امریکی جرنیل، نائب خارجہ وزیر دی پاکستان یاترا

پاک امریکہ ملاکھڑے:ات گرداں دے ٹھکانے پاکستان وچ۔امریکی جرنیل، نائب خارجہ وزیر دی پاکستان یاترا

وچار ڈیسک
August 27th, 2017

سوٹی تے گاجر دا کھیڈ جاری کہ پاک امریکہ سانگیاں وچ ایہہ کم کوئی نواں نہیں۔افغانستان وچ امریکی فوج دے پردھان جنرل نکلسن’’سوٹی‘‘ دا کردار ادا کیتا اتے آکھیا ہے پئی ات گرداں دے ٹھکانے پشور تے کوئٹہ وچ نیں کیونجے افغان طالبان دی قیادتاں انہاں دوناں شہراں وچ رہندیاں نیں۔ایس توں پہلاں ملا عمر دے حوالے نال وی اجہے بیان آندے سن اتے کوئٹہ شوری دی گل وی ہوندی سی۔جداں اسامہ بن لادن پاکستان توں نکل آیا تاں ایہو جہی گلاں دا ودھنا لازم سی۔دنیا افغانستان دی گل تاں مارے منیندی ہے کیونجے اسامہ ایبٹ آباد وچ ماریا گیا سی۔پت اساں اسامہ والے وقوعے باے بنائے کمیشن دی رپورٹ نوں لکا کے اپنے بارے ہور شکوک پکے کردے ہاں۔امریکی جرنیل جان نکلسن دے بیان توں بعدوں ہن سانوں ’’گاجر‘‘ دین لئی وسط ایشیا تے جنوبی ایشیا لئی امریکی نائب خارجہ وزیر ایلس ویلز پاکستان آرہی ہے۔اوہ کل توں افغانستان، پاکستان، بنگلہ دیش تے سری لنکا دا چھ روزہ دورہ کرے گی۔اینج جاپدا ہے پئی افغانستان وچ امریکی فوج دا پردھان اپنی ذمہ واریاں توں بچن لئی سارا الزام پاکستان تے لانا چاہندا ہے۔ایلس ویلز ہوری پاکستان وچ اعلی سول تے فوجی قیادت نال ملے گی۔ روس، چین، ایران تے ترکی نے ٹرمپ دے پاکستان توں متعلق بیان نوں رفیدیا ہے پر ساڈے لئی امریکی یاری وچوں نکلنا ایڈا سوکھا نہیں۔سوٹی تے گاجر دا کھیڈ اسوقت تیک جاری رہے گا جداں تک اساں اپنی پالیسیاں پارلیمنٹ وچ نہیں بنا دے۔

اخیری خبراں دے مطابق ہن ایہہ دورہ نہیں ہوئے گا کیونجے پاکستانی خارجہ دفتر نے آکھیا ہے پئی ساڈے کول وقت نہیں ہے۔آکھیا جا رہیا ہے پئی پاکستان افغانستان وچ امریکی فوج دے پردھان دے بیان بعدوں ایہہ قدم چکن تے مجبور ہویا ہے۔



Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels