Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> جعلی ٹوئٹر اکاؤنٹ توں روہنگے مسلماناں نوں پناہ دین دا اعلان۔سوشل میڈیا، اک گواچی گاں

جعلی ٹوئٹر اکاؤنٹ توں روہنگے مسلماناں نوں پناہ دین دا اعلان۔سوشل میڈیا، اک گواچی گاں

وچار ڈیسک
August 30th, 2017

سماجی رابطیاں دی ویب سائیٹس (سوشل میڈیا) تے جعلی اکاؤنٹس دا ہونا کوئی غیر معمولی گل نہیں۔ پر صورتحال ایس وقت سنگین ہوجاندی ہے جداں کسی اہم شخصیت دے ناں توں بنے جعلی اکاؤنٹ توں کوئی اونترا سنیہا جاری ہوئے تے میڈیا سنے انٹرنیٹ تے بیٹھے لوک وی ایس نوں سچ سمجھ کہ تبصرے شروع کرددین۔ پاکستان دی سیکرٹری خارجہ تہمینہ جنجوعہ دی تصویر تے ناں توں ٹوئٹر تے بنے اک اکاؤنٹ تے اتوار دی شام اک پیغام سامنے آیا کہ پاکستان، میانمار(برما) توں 10 ہزار روہنگیاں مسلماناں نوں اپنے ایتھے پناہ دے گا تے ایس بارے وچ (میانمار دی وزیر خارجہ) آنگ سان سوچی نال گل ہوگئی ہے تے اوہ ایس تے رضی ہے۔ اسی اکاؤنٹ نال ہون والی اک دوجی ٹوئٹ وچ پاکستانیاں نوں مخاطب کردے ہوئے آکھیا کہ مینوں توقع ہے کہ عوام اگے آون گے۔ انہاں ٹوئٹس دے جواب وچ لوکائی ولوں آون والے جوشیلے روعمل بارے کجھ نہ پچھو ۔ ایس دی تعریفاں وی کیتی گئیاں۔ پر، فیر، کجھ گھنٹیاں دے بعد دفتر خارجہ دے ترجمان نفیس ذکریا نے ٹوئٹر تے اپنے پیغام وچ انہاں ٹوئٹس توں لاتعلقی کردے ہوئے آکھیا کہ سیکرٹری خارجہ تہمینہ جنجوعہ ہوراں دا تے کوئی ٹوئٹر اکاؤنٹ نہیں ہے اتے انہاں دے ناں توں موجود اکاؤنٹس نوں جعلی سمجھیا جائے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels