Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> کعبے دا غلاف:62 کڑوڑ۔ریشم اٹلی اتے سونے دی تاراں جرمنی دیاں

کعبے دا غلاف:62 کڑوڑ۔ریشم اٹلی اتے سونے دی تاراں جرمنی دیاں

وچار ڈیسک
August 30th, 2017

کدی غلاف مصری بنادے سن پر 1962بعدوں ایہہ بندوبست بدل گیا سی کیونجے سعودی عرب دی سیاست وی بدل رہی سی . غلاف بناون والا ملک وی بدل گیا اتے رنگ وی۔جے کوئی غلاف بناون دی پرانی تریخ لکھے تاں حجاز دی پرانی سیاستاں وچ آون والی تبدیلیاں وی سمجھ آ جا سن۔مڈل ایسٹ دی پادشاہتاں قبیلیاں نال لین دین تے چلدیاں نیں۔چیتے رہے،پئی 1962دا غلاف پاکستان وچ ایوبی سرکار بنوایا سی اتے ایہہ ورلڈ بینک دے وسیلہ نال پاکستان، امریکہ تے سعودی عرب دی تکونی سیاستاں دا آغاز سی۔ ہن تساں خبر پڑھو۔
مکہ دی اک فیکٹری وچ درجناں کاریگراں جیہناں دی عمراں 40 تے 50 سال درمیان نیں، خانہ کعبہ لئی سیاہ کپڑے دا غلاف تیار کردے نیں جس تے سونے دی تاراں توں ایتاں کندہ کیتیاں جارہیاں نیں۔ ایہہ غلاف جو کسوہ اکھواندا ہے، ریشم تے روئی نال تیار کیتا جاندا ہے تے ایس تے قرآنی ایتاں لکھیاں جاندیاں نیں۔ ہر سال اک نواں غلاف تیار کیتا جاندا ہے تے حج دے موقع تے پرانا غلاف لاکے ایس دی تھاں نواں غلاف لایا جاندا ہے۔ہر سال ایہہ غلاف نو ذوالحج دے دیہاڑ تبدیل کیتا جانداہے۔ مکہ دے اک قبیلے الحود دے علاقے وچ قائم فیکٹری دے درجناں کاریگراں نے کڈے سالاں توں غلاف بنان وچ اپنی زندگیاں دا اک طویل عرصہ گذار دتا ہے تے اوہ جلد ہی ریٹائر ہون والے نیں۔ انہاں دی تھاں لین لئی نویں نسل دے لوکاں نوں تربیت دین دا سوچیا جارہیا ہے۔ فیکٹری دے جنرل منیجر محمد بن عبداللہ باجودہ دا کہنا ہے کہ کنگ سلمان نے حکم دتا ہے کہ فیکٹری وچ نصب پرانی مشیناں دی تھاں نویں تے جدید مشیناں لائیاں جان۔ موجودہ مشیناں 30 سال پہلے لائی گئیا ں سن۔ انہاں نے میڈیا نوں دسیا کہ سعودی پادشاہ نے نویں کاریگر بھرتی کرن تے انہاں نوں تربیتاں دین دے وی حکمنامے جاری کیتے نیں۔ 1962 تک خانہ کعبہ دا غلاف مصر وچ تیار کیتا جاندا سی۔ ایس دور وچ غلاف لئی سرخ، سبز یا سفید رنگ دا کپڑا ہی ورتیا جاندا رہیا۔ پر ایس توں بعد غلاف لئی ہمش کالے رنگ دے خصوصی کپڑے تے ہی سونے دی تاراں نال قرآنی ایتاں کندہ کیتیاں جارہیاں نیں۔ غلاف دی تیاری وچ تقریباً 670 کلو گرام ریشم استعمال ہوندا ہے جس نوں اٹلی توں منگوایا جاندا ہے۔ جداں کہ سونے تے چاندی دی تاراں جرمنی توں آندی ہے۔ غلاف دی لمبائی 50 فٹ تے چوڑائی 35 توں 40 فٹ تک ہوندی ہے۔ کعبے دے غلاف دی تیاری تے ہرسال تقریباً 60 لکھ ڈالر (62کڑوڑ تے 25لکھ توں وادھو)لاگت آندی ہے۔ غلاف تے ڈیڑھ سو کلو سونا لگدا ہے۔پرانے غلاف نوں خانہ کعبہ توں لاون دے بعد ٹکڑیاں وچ ونڈیا جاندا ہے تے ایہہ ٹکڑے وڈی شخصیاتاں تے مذہبی تنظیماں وچ تبرک دے طور ونڈ دتے جاندے نیں۔ایہہ خبر وائس آف امریکہ دی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels