Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> ٹرمپ دا ٹیچا ایران، روس تے چین تے دباؤ پانا ہے:روسی عہدیدار۔لڑائی کھل رہی ہے؟

ٹرمپ دا ٹیچا ایران، روس تے چین تے دباؤ پانا ہے:روسی عہدیدار۔لڑائی کھل رہی ہے؟

وچار ڈیسک
September 1st, 2017

عالمی پدر تے چین تے روس رل مل کے خطہ دے ملکاں نوں سعودی امریکی خطریاں بارے دس رہے نیں اتے پاکستان وچکار کھلوتا ہویا ہے۔ترکی تے قطر وی شام تے ایران وانگ اج روسی، چینی سانجھ دے نال نیں پر پاکستان وچ اجہے کھڈاری زیادہ نیں جیہڑے امریکی سعودی اتحاد توں پراں نہیں ہونا چاہندے۔ایس لڑائی دے کھلن دا ویلہ نیڑے آرہیا ہے جس پاروں پاکستان دی اندرونی سیاستاں وچ اتھل پتھل وادھو ویکھی جا سکدی ہے۔کس دا اْلار، سعودی امریکی اتحاد ول ہے، ایہہ آکھن دی لوڑ نہیں۔تساں ہن روسی ایلکار دا تازہ بیان پڑھو۔
روسی اہلکار ایگور کورو تچنکو نے میڈیا نال گل بات کردے ہوئے آکھیا ہے پئی ٹرمپ دی نویں افغان پالیسی دا ٹیچا بڑا سدھا ہے اتے اوہ ایران، چین تے روس تے دبا پا رہیا ہے۔ ایس موقع تے انہاں نے آکھیا کہ ڈونلڈ ٹرمپ دا نواں رویہ سابق امریکی صدر باراک اوبامہ ورگاہے تے انہاں نے افغانستان دے حوالے توں نویں پالیسی مرتب نہیں کیتی ہے۔ انہاں نے آکھیا کہ امریکہ ولوں افغانستان وچ داخل ہون دا مقصد علاقائی پدر تے چین تے روس نوں فوجی ڈکا لانا ہے۔ ایہہ حکمت عملی دے حوالے نال وائٹ ہاؤس دی خارجہ پالیسی دی پہلی ترجیح ہے۔ انہاں نے ایس گل تے زور دتا کہ کئی سالاں توں ہن تک افغانی قوم امریکہ تے انہاں دے اتحادیاں دی بمباری تے سازشاں دا شکار ہے۔ روسی عہدیدار نے اسلامی جمہوریہ ایران تے روس دے درمیان آپسی ملن ورتن دی اہمیتاں ول اشارہ کردے ہوئے آکھیا کہ دونوں ملکاں دے درمیان یکجہتی دے ذریعے امریکی تے مغربی ملک کیسپین سمندر تے اثرور سوخ نہیں کرسکدے۔ روسی وزارت دفاع دی سوشل کونسل دے اک رکن نے آکھیا کہ ایران تے روس سامراجیاں دی مداخلت دے بغیر علاقائی سلامتی دی ضمانتاں دے سکدے نیں اتے مغربی ملک خطے دی سلامتی نوں مضبوط نہیں کرسکدے۔ ایہو وجہ ہے پئی امریکہ تے انہاں دے اتحادی، ایران، روس تے چین تے دباؤ پاندے نیں۔ انہاں نے شام وچ دونوں ملکاں دے درمیان باہمی تعاون دا حوالہ دیندے ہوئے آکھیا کہ ایران تے روس دہشت گرداں نال مقابلہ کرکے امریکہ تے انہاں دے اتحادی دہشت گرداں نوں ماریا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels