Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> روہنگے، نوآبادیاتی کوڑ ، عالمی پراکسی اتے مذہبی شدت پسندیاں دا شکار۔ بی بی سی ایہہ نہیں لکھنا

روہنگے، نوآبادیاتی کوڑ ، عالمی پراکسی اتے مذہبی شدت پسندیاں دا شکار۔ بی بی سی ایہہ نہیں لکھنا

وچار ڈیسک
September 1st, 2017

کل تیک بی بی سی اْردو داصفحہ پورا اک سال پانامہ ایجنڈا چلاندا رہیا تے اج کل روہنگیاں نال پیار جتا رہیا ہے۔اسلامی شدت پسنداں تے تنقیداں کرن والے، سینکیانگ تے برما وچ شدت پسنداں دا ہشیاریاں نال اج وی ساتھ دیندے نیں۔افغانستان تے طالبان وانگ چٹا گانگ دی پہاڑی تھاواں سمگلنگ، شدت پسندی اتے پراکسی لڑائیاں دا گڑھ۔کڈے چر تیک ایتھے وی افغان جہاد وانگ سعودی عرب، بنگلہ دیشی سٹیبلشمنٹ، امریکہ تے برطانیہ دا چین مخالف ایجنڈا چلدا رہیا۔1826وچ انہاں تھاواں تے کرنل کاکسس ہوراں انگریزاں دا قبصہ کروا کے بنگالیاں نوں زمیناں دتیاں سن۔مغربی قوتاں اپنے مفاداں دی جنگ بدھ مت تے اسلام دی آڑ وچ لڑدے رہے۔بنگلہ دیشی جماعت اسلامی اتے تبلیغی جماعت ہی نہیں سگوں بدھ مت دی دھرمی جتھے بندیاں ایس وچ آن بورڈ سن۔روہنگا سالویشن آرمی ایہہ لڑائی لڑ رہی ہے۔ اوس کول اسلحہ کتھوں آندا ہے ایہہ پچھن دی لوڑ نہیں۔ایس پراکسی وار نوں لندن تے ریاض خاص طور تے مانیٹر کردے نیں۔برما توں باہر روہنگیاں دی سب توں وڈی تعداد بنگلہ دیش(پنج لکھ)، سعودی عرب(چار لکھ) تے پاکستان(دو لکھ) وچ ہے۔اک انسانی مسلہ دے مگر کڈیاں سیاستاں، کڈیاں پراکسی جنگاں تے مار دھاڑ، پر کجھ میڈیا تصویر دا ایسا پکھ ہی دسنا چاہندا ہے جس پاروں صرف انسانی ہمدردی پیدا ہوئے۔نوآبادیاتی دور توں اک کوڑ پالیسی پاروں انگریزاں چینی نسل دے لوکاں وچ بنگالیاں نوں وسایا۔ دوجی وڈی جنگ بعدوں چین وچ سرخ انقلاب آیا تے مشرقی پاکستان وچ موجود چٹا کانگ چین مخالفت دا وڈامورچہ بنایا گیا۔ایس مورچے نوں دسمبر1971 بعدوں جنگی محاذ بنا دتا گیا۔ستر دی دہائی دے وسط وچ سعودی عرب دا کردار ودھایا گیا اتے اوس ہی ایس چین مخالف محاذ دی آگوائی کیتی۔روہنگے بنگالی نژاد وی نیں اتے مسلمان وی۔1982وچ ایہہ محاذ اوس ویلے گرم ہو گیا جداں برما دے فوجی حکمران نے شہریت دے قنون پاروں روہنگیاں نوں برما دا واسی منن توں انکار کر دتا۔2010وچ جداں امریکہ تے چین وچ سانجھ ودھ گئی تے ہیلری کلنٹن اوہ پہلی امریکی لیڈر سی جس برما دا دورہ کر کے ایس پراکسی نوں مکاون دا اشارہ دتا۔ پر لگدا ہے پئی سی آئی اے نوں ایہہ گل پسند نہیں سی۔ پر ریاض تے لندن ولوں ایہہ چین مکالف جنگ جاری رکھن ول اْلار رہیا۔تساں تھلے بی بی سی دی ہشیار خبر پڑھو گے جتھے ایہہ گلاں نہیں کیتیاں گیاں۔روہنگے اج بے وطنے نیں پر ایس وچ اپنیان تے پرایاں دوناں دا ہتھ ہے۔عالمی تے مقامی کھیڈاں وچ کنج برادریاں رْل جاندیاں نیں روہنگے ایس دی مثال۔روہنگیاں دے حق وچ اوہ وی اتھرو بہا رہے نیں جیہڑے انہاں دے بے وطنا ہون دے ذمہ وار نیں۔ ہن تساں بی بی سی دی ہشیار خبر پڑھو۔

اقوام متحدہ دا کہنا ہے کہ میانمار دی مسلم اکثریتی ریاست رخائن توں پناہ دی خاطر بنگلہ دیش جان والے روہنگے مسلماناں دی تعداد تقریباً 40 ہزار تک پہنچ گئی ہے۔ ادارے دے اک اہلکارنے خبر رساں ادارے نوں دسیا ہے کہ اک ہفتے دے دوران 38 ہزار افراد سرحد پار کرچکے نیں۔ انہاں دا ایہہ وی کہنا سی کہ انہاں پناہ گزیناں دے مطابق سرحد عبور کرن دی کوشش دے دوران انہاں تے فائرنگ کیتی گئی۔ ایدھر میانمار دی فوج دا کہنا ہے کہ ملک دے اندر حالیہ جھڑپیاں وچ مارے جان والیاں دی تعداد 400 تک پہنچ گئی ہے تے انہاں چوں بیشتر مذاحمت کر رہے سن۔ میانمار وچ تازہ جھڑپاں مزاحمتیاں ولوں رخائن وچ پلس تے فوج دی چوکیاں تے حملیاں دے بعد شروع ہوئی سی۔ روہنگے مسلماناں دا کہنا ہے کہ انہاں نوں زبردستی بے دخل کیتا جارہیا ہے جداں کہ برما دی حکومت دے مطابق اوہ علاقے چوں نرے مزاحمتیاں نوں باہر کڈھ رہی ہے تانجے عام شہریاں دا تحفظ کیتا جاسکے۔ میانمار وچ حکام دے مطابق تشدد دا آغاز ایس وقت ہویا جداں روہنگے شدت پسنداں نے پچھلے جمعے نوں 30 پلس سٹیشناں تے حملہ کیتا تے ایس دے بعد شروع ہون والے جھڑپاں دے نتیجے وچ فوج نوں بلانا پیا۔ رخائن ریاست توں پکیاں خبراں حاصل کرنا تقریباً ناممکن ہے کیونکہ صرف کجھ صحافیاں نوں علاقے وچ وڑن دی اجازتاں دتیاں گیاں نیں۔ امدادی کارکناں دے مطابق نقل مکانی کرن والے روہنگے مسلماناں لئی کیمپ قائم کیتے گئے نیں جتھے انہاں نوں پناہ تے خوراک مہیا کیتی جارہی ہے۔ جداں کہ کیمپ وچ آن والے تقریباً اک درجن دے قریب پناہ گزین گولیاں دے نتیجے وچ زخمی ہوئے نیں۔ ایجنسی دے مطابق کیمپ وچ آن والیاں وچ زیادہ گنتری عورتاں تے بچیاں دی ہے۔ آئی او ایم دے ترجمان پیپی صادق نے بی بی سی نوں دسیا کہ ہلے تک ہزاراں افراد سرحد تے موجود نیں جیہناں تک ساڈی رسائی نہیں ہے۔ کیمپ وچ نویں آن والے پناہ گزیناں چوں کجھ دے کول کپڑے سن جداں کہ کجھ دے کول کھان پین دے برتن وی سن۔ وڈی گنتری اپنا سب کجھ پچھے ہی چھڈ آئی ہے تے انہاں نوں فوری پناہ تے خوراک دی لوڑ ہے۔ پچھلی اکتوبر توں ہن تک اک لکھ روہنگے مسلمان نقل مکانی کرکے بنگلہ دیش وچ پناہ لے چکے نیں۔ فرانسیسی خبر رساں ایجنسی اے ایف پی دے مطابق بنگلہ دیش وچ بلاکھلی دے علاقے وچ قائم عارضی کیمپ وچ آن والے روہنگے اپنے نال دل دہلا دین والیاں کہانیاں لیائے نیں۔ 70 سالہ محمد ظفر دے دو پُتراں نوں مسلح بودھیاں نے ہلاک کیتا۔ انہاں نے اینے قریب توں فائرنگ کیتی کہ ہن مینوں کجھ سنائی نہیں دیندا۔ اوہ سلاخاں تے ڈنڈیا توں لیس سن تے سانوں سرحد ول دھکیل رہے سن۔ چیتے رہے کہ ریاست رخائن وچ تقریباً 10 لکھ مسلمان آباد نیں۔ بودھیاں دی اکثریتی آبادی دے نال کئی سالاں توں تناؤ جاری ہے جداں کہ دسیوں ہزاراں روہنگے بنگلہ دیش جاچکے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels