Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> برطانیہ تے یورپین یونین دے درمیان گل بات وچ ڈکا۔برطانوی سٹیبلشمنٹ سب نوں مروائے گی

برطانیہ تے یورپین یونین دے درمیان گل بات وچ ڈکا۔برطانوی سٹیبلشمنٹ سب نوں مروائے گی

وچار ڈیسک
September 2nd, 2017

آف شور چوریاں نوں بچاون لئی برطانوی سٹیبلشمنٹ پورے ملک دا کانڈ بچہ کوہلو کرن تے تیار ہے۔یورپی طاقتاں پچھلی صدی وچ وی آپسی جھیڑیاں پاروں دنیا نوں دو عالمی جنگاں وچ جھونکیا سی اتے انہاں دوناں جنگاں وچ آکسفورڈ تے کیمرج دی تربیت یافتہ برٹش سٹیبلشمنٹ کوڑ کردار ادا کیتا سی۔آف شور چوراں نوں بچاون لئی بریگسٹ تے کروا لتا پر اگے ہن بند گلی وچ برطانیہ وڑ چکا ہے۔ہن آف شور چوراں توں رقماں لے کے یورپی یونین نوں دے دیو۔پر آف شوروالے آندے نیں پئی جے اساں رقماں ہی تارنیاں سن تے یورپی یونین دی اسمبلی ولوں آف شور کمپنیاں تے لایا ٹیکس دینا زیادہ فیدے مند سی۔پورپی یونین دس سال دی کھوج بعدوں2013وچ اپنی تواریخی رپورٹ وچ آکھیا سی پئی ایہہ آف شور جنتاں والے ہر سال نرے یورپ وچ ستر ارب یورو دی چوریاں کردے نیں اتے ہن انہاں نوں ٹیکس دینا پئے گا۔برطانیہ دی نویں نسل کھلے عام بریگسٹ خلاف ووٹ دتا سی۔ ہن تساں خبر پڑھو،
برطانوی وزیراعظم تھیریسامے نے یورپین یونین دے راہنماواں توں اپیل کیتی ہے کہ اوہ بریگزٹ دے بحران دا حل کڈھن وچ تعاون کرن۔ لندن تے برسلزدے درمیان چار روز تک جاری رہن والی گل بات دا تیجا دور بغیر کسی نتیجے دے مک گیا ہے۔ برطانوی تے یورپین یونین نوں خیر باد کہن توں متعلق گل بات وچ دونوں دھڑیاں وچ ڈکا لگیا ہویا ہے۔ ایس پاڑ نوں پُر کرنا مشکل وکھائی دے رہیا ہے۔ دونوں دھڑے اک دوجے نوں قصور وار ٹھہرا رہے نیں۔ یورپین یونین دے عہدیداراں دا کہنا ہے کہ برطانیہ ایس بارے وچ بدستور ابہام دا شکار ہے کہ اوہ دراصل کیہ چاہندا ہے۔ جداں کہ برطانوی اہلکاراں دا موقف ہے کہ یورپین یونین توں نکل جان دی شرطاں طے کرنا چاہندا ہے جو بقول برطانوی حکام دے بے معنی تے مصنوعی عمل ہوئے گا۔ دونوں فریقین وچ پاڑ دی وڈی وجہ یورپین یونین ولوں برطانیہ توں بجٹ دی ادائیگی اتے منصوبیاں تے ساختی قرضے دے ضمن وچ 89 ارب ڈالر دا مطالبہ ہے جس دا برطانیہ نے پچھلے سال یورپین یونین توں نکل جان توں پہلے 2013 وچ وعدہ کیتا سی۔ برطانیہ ایس ادائیگی توں انکار کررہیا ہے جداں کہ یورپین یونین ایس رقم دے بارے وچ کسی قسم دی رعایت دین نوں تیار نہیں۔ یورپین یونین ولوں مذکراتی ٹیم دے چیف مائیکل بارنیئر دا کہنا ہے رعایت دین لئی دو نقطہ ہائے نظر دی ضرورت ہے یعنی ساڈا نقطہ نظر تے اوہناں دا نقطہ نظر۔ مینوں اوہناں دا نقطہ نظر جانن دی ضرورت ہے۔ فیر ہی میں رعایت دے سکاں گا۔ یورپین پارلیمنٹ دے بریکسٹ رابطہ کار گائے ورہوفشٹڈ اوہناں نال اتفاق کردے ہوئے کہندے نیں کہ جے اک پارٹی اپنا موقف پیش کرے تے دوجا فریق اینج نہ کرے تے مذکرات دا انعقاد ممکن وکھائی نہیں دیندا۔ تجزیہ کاراں دا کہنا کہ برطانیہ اوس وقت تک کسی تصفیے تے آمادہ نہیں ہوئے گا جداں تک اوہ اپنی پسند دے مطابق آزاد تجارت دا معاہدہ طے نہیں کرلیندا۔ دوجے پاسے یورپین یونین برطانیہ دے یورپین یونین توں نکل جان تے آزاد تجارت دے معاہدے نوں وکھ وکھ انداز وچ ویکھدے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels