Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> شمالی کوریا دا پھاہ:ٹرمپ جنگ کرے تے پھسے، نہ کرے تاں مرے

شمالی کوریا دا پھاہ:ٹرمپ جنگ کرے تے پھسے، نہ کرے تاں مرے

وچار ڈیسک
September 4th, 2017

تڑیاں لا کے دنیا نوں اگے لاون والا ٹرمپ آپ شکنجے وچ کہ دنیا شمالی کوریا تے ٹرمپ دوناں توں تنگ نظر آرہی ہے۔شمالی کوریا ہائیڈروجن بم دا تجربہ اک ایسے ویلے کیتا جداں دنیا دی نویں معاشی بوتھے یعنی برکس دا 9 واں اتے تواریخی اکٹھ ہون نوں تیار سی۔ایس اکٹھ وچ اوہ بھارت وی رلتی ہے جس نوں چین خلاف ورتن دا سفنہ کسنجر ویکھیا سی، پر اوس ڈوکلام دے محاذ نوں ٹھنڈا کر کے برکس وچ حاضریاں لائیاں۔جنگاں دی تڑیاں لانا ہور گل ہے اتے جنگ وچ وڑن دا فیصلہ کرنا ہور۔سونے تے سہاگہ چینی تے روسی پردھاناں چڑھایا ہے اتے دوناں اپنے سانجھے بیان وچ شمالی کوریا دی نندیا کردے ہوئے دنیا نوں آکھیا ہے پئی اساں رل مل کے ایس مسلہ دا جنگ توں بغیر حل کڈھ لواں گے بشرطیکہ دنیا چپ رہے۔دنیا وی ایہو چاہندی ہے۔جنوبی چینی سمندراں دے ملک تے ایہو چاہندے نیں کہ جنگ توں بغیر حل نکل آئے۔ٹرمپ تے اوبامہ تے تنقیداں کردے ہوئے آکھدا سی پئی امریکہ نوں اجہی جنگاں وچ رلتی ہونا چاہیدا ہے جس دا خرچہ دوجے ملک چکن۔ہن جے شمالی کوریا دی لڑائی وچ امریکہ دی رقماں لگن گیاں تے امریکی کھپ پاون گے۔جنوبی کوریا تے جاپان والے وی ٹرمپ نوں لمیری رقماں دین توں پہلاں دوجی آبشناں نوں آزمانا چاہون گے۔امریکہ دے اندر جنگ مخالف لابی بہوں تگڑی ہے۔جے جنگ شروع ہوئی تاں انہاں نال اوہ وی مل جان گے جنہاں ٹرمپ نوں امریکی کار ویہار ودھان اتے مردے کارخانیاں نوں چلاون لئی ووٹ پائے سن نہ کہ جنگ کرن لئی۔ٹرمپ دے جنگی جنون پاروں کم ہور خراب ہو رہیا ہے کہ ہن اوہ جنگ نہیں کردا تاں وی پھسدا ہے تے جے جنگ کرے تے اوس نال کون کون کھلوئے گا ایہہ وڈا سوال۔برکس، ون بیلٹ۔ون روڈ، سی پیک اتے روس نال سانجھ پاروں چین دی آبشناں وادھو۔ کیہہ ٹرمپ امریکہ لئی اک ہور ویت نام بنان ول ودھے گا؟


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels