Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> روہنگیاں تے شور اتے کشمیر، فلسطین تے خموشی:چالو میڈیا تے ایجنڈے

روہنگیاں تے شور اتے کشمیر، فلسطین تے خموشی:چالو میڈیا تے ایجنڈے

وچار ڈیسک
September 4th, 2017

پاکستان ہی نہیں سگوں آزاد دنیا وچ وی ایجنڈیاں پاروں خبراں چلائی جاندیاں نیں اتے برکس، سی پیک توں چڑ چکے ملک چین مخالفت وچ اج روہنگیاں دے مامے بنے ہوئے نیں۔ایہہ اوہی نے جیہڑے فلسطینیاں تے کشمیریاں بارے در وٹی رکھدے نیں اتے لبیا، عراق دی تباہیاں وچ رلتی سن۔برکس، سی پیک، ون بیلٹ۔ون روڈ ہی نہیں سگوں ایس سی او تے روس، چین دوستیاں توں پریشان ہو کے کدی انہاں نوں روہنگے یاد آندے نیں، کدی ایہہ سنکیانگ دے مامے بن دے نیں اتے انہاں دے ایجنٹ پاکستان جیسے ملکاں وچ بیان دیندے نیں اتے خبراں چلاندے نیں۔ کجھ بغیر سوچے سمجھے انہاں مہماں وچ رلتی ہو جاندے نیں۔روہنگے سرد جنگ وچ مغرب دے چین مخالف ایجنڈے دا ہتھیار سن اتے سعودی عرب تے بنگلہ دیشی سٹیبلشمنٹ انہاں نوں ورتیا۔جداں چین نال مغرب دی گل بن گئی اتے ہیلری کلنٹن دا برما دا دورہ وی ہو گیا تے انہاں نوں ورت چکے کاغذ وانگ مغرب بھل گیا۔اج اوہ مڑ بی بی سی تے سی این این نوں کیوں یاد آرہے نیں؟جداں بھارت وی ڈوکلام دی جنگ بند کر کے برکس وچ ٹر گیا تے سی آئی اے والیاں پرانی فائل کڈھ لتی۔روہنگے تے فیر اک نکی جہی اقلیت نے برما وچ پر فلسطین تے کشمیر وچ تے اکثریتی آبادیاں مسلماناں دی نیں۔ انہاں تے کیوں خموشی؟خود یورپ تے امریکہ وچ وسن والے مسلماناں خلاف کیہہ کجھ نہیں ہو رہیا؟ لندن وچ صادق خان دی چوناں وچ کیہہ کجھ نہیں آکھیا گیا؟ روہنگیاں بارے کون بول رہیا ہے تے اوس دا آپدا ماضی کیہہ ہے، ایس توں پتہ چلے گا پئی ایس ہشیار خبر نوں کون چک رہیا ہے؟مسلماناں نوں وی ایہہ سوچنا ہو سی پئی اوہ کدوں تیک ورتے جان گے؟روہنگیاں دی گنتری ہر روزودھے گی کیونجے ایہہ گنتری جڈی زیادہ ہو سی اوڈی وڈی فنڈنگ ملے گی اتے بہوں سارے ایس فنڈنگ نوں کھان گے۔افغاناں دے ناں تے1980 توں لمیری رقماں آئیاں پر افغان تے اج تیک پاکستان وچ ذلیل ہو رہے نیں۔ایہہ سب کھیڈ دا بوتھا ’’انسانی ہمدردیاں‘‘ والا ہے پر ایس دے مگر اوہی پرانا کھیڈ ہے۔وڈے وڈے ملک ایس نوں چالو کردے نیں، فنڈ دیندے نیں تے عالمی ادارے انہاں فنڈاں نوں کھاندے نیں تے نکے ملک تے نکا میڈیا اوس توں اپنی چھلتر لیندا ہے۔ پر اج انفارمیشن دے دور وچ لوکاں نوں تحریک خلافت وانگ بے وقوف بنانا ایڈا سوکھا نہیں۔
More news regarding same issue...read and unlearn
http://www.wichaar.com/news/118/ARTICLE/33438/2017-09-03.html

Background of Rhongayas and genesis of a bad narrative
http://www.wichaar.com/news/118/ARTICLE/33432/2017-09-01.html


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels