Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> روہنگا مسلم آرمی دا لیڈر کراچی جمیا تے سعودی عرب پڑھیا؟کرچی دے برمیاں نوں کون چیک کرے؟

روہنگا مسلم آرمی دا لیڈر کراچی جمیا تے سعودی عرب پڑھیا؟کرچی دے برمیاں نوں کون چیک کرے؟

وچار ڈیسک
September 4th, 2017

اوس دا ناں تے عطا اللہ ابو عمار جنونی ہے پر اوہ نرے عطا اللہ دے ناں تو ہی مشہور ہے۔اوس دی ویڈیوز یو ٹیوب تے موجود۔اوس دا پیو برما دی تھاں ’’اراکان‘‘ توں کرچی آیا سی۔ کرچی وچ برمیاں دی وڈی گنتری رہندی ہے اتے ایہہ مردم شماریاں وچ وی نہیں رجسٹرڈ ہوندے۔ایم کیو ایم روگی جماعتاں اتے دوجے ادارے انہاں نوں ورتدے نیں۔آندے نیں کرچی وچ دس لکھ توں وادھو بنگالی، برمی وغیرہ وسدے نیں۔پاکستان وچ دو لکھ توں وادھو برمی وسدے نیں اتے انہاں دی وڈی اکثریتاں کراچی وچ نیں۔اجہی نا معلوم آبادیاں دی موجودگی وچ کراچی دا امن مڑ آ نہیں سکدا۔سندھ اسمبلی ایس بارے گل کرے۔ عطا اللہ نکی عمر وچ ہی سعودی عرب ٹر گیا سی کیونجے سعودی عرب وچ بنگلہ دیش بعدوں سب توں وڈی برمی آبادی ہے جس دی گنتری چار لکھ توں وادھو ہے۔بنگالی سٹیبلشمنٹ تے سعودی عرب ایس برمی آبادی نوں چین مخالف ایجنڈے پاروں 1975توں ورت رہے نیں۔عطا اللہ نوں سعودی عرب وچ اک اسلامی سکول وچ داخل کرایا گیا۔انٹرنیشنل کرائسز گروپ(آئی سی جی) وی اپنی رپورٹ وچ عطا دے سعودیاں نال گوڑے سانگیاں بارے تصدیقاں کیتیاں۔دسمبر2016 وچ جاری ہون والی آئی سی جی دی رپورٹ وچ دسیا گیا ہے پئی عطا ہوری2012وچ اراکان دے علاقے رکھنی ریاست وچ آئے سن اتے ایس توں بعدوں مذہبی جھیڑے ودھ گئے۔برمی سرکار دا دعوی ہے پئی ایس نے چھ مہینے طالبان توں وی پاک افغان باڈر تے تربیتاں لتیاں نیں۔پچھلے سالاکتوبر وچ برما بنگلہ دیشی باڈر تے سیکورٹی فورسز تے حملیاں وچ وی عطا ہوری ملوث سن اتے ایس دا انہاں اک ویڈیو وچ آپ اعتراف کیتا۔ ایہہ ویڈیو وی یو ٹیوب تے موجود ہے۔رکھنی ریاست اتے چٹاگانگ خلیج بنگال دے اتے نیں اتے تاں مارے عالمی کھیڈ دا شکار نیں۔ کل گارڈین اک روہنگے دی گل بات چھاپی جس ایہہ دسیا کہ اراکان روہنگا سالویشن آرمی سیکورٹی اہلکاراں نوں چک کے لیجاندی ہے۔کجھ دیہار پہلاں انہاں 30تھانے سار دتے سن۔آن ساچی ہوراں بنگلہ دیش حکومت دی سازشاں بارے وی کھل کے گل کیتی ہے۔اقوام متحدہ دی تازہ رپورٹ اندر وی مسلح مسلم بنیاد پرستاں دی گل کیتی گئی ہے۔میڈیا وچ روہنگیاں دے اک توں ودھ مسلح گروپاں بارے دسیا گیا ہے۔بنگلہ دیش وچ موجود مذہبی عالماں تے مذہبی جتھے بندیاں نے برمی سرکار دے خلاف جہاد بارے قتوے وی دتے نیں۔روہنگیاں وچ کم کرن والی اک مسلح جتھے بندی حرکت الیقین بارے تھنک ٹینک ایہہ آکھدے نیں کہ ایس دا سعودی عرب تے پاکستان نال سانگا ہے۔اک پاسے چین مخالف ایجنڈا تے دوجے پاسے ات گرداں نال سانگے کہ پاکستان دی قومی اسمبلی نوں پورے مسلہ بارے جھات پانی لوڑی دی ہے۔
More News Click Below

Rohingya militants in Rakhine have Saudi, Pakistan links, think tank says

https://sg.news.yahoo.com/rohingya-militants-rakhine-saudi-pakistan-135712056.html

Previous news at wichaar

http://www.wichaar.com/news/118/ARTICLE/33440/2017-09-04.html


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels