Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> امریکی خدشیاں دی وجہ پاکستان وچ سرگرم دہشت گرد گروہ نیں۔ ایلس ویلز، امریکی بلارن افغانستان تے پاکستان

امریکی خدشیاں دی وجہ پاکستان وچ سرگرم دہشت گرد گروہ نیں۔ ایلس ویلز، امریکی بلارن افغانستان تے پاکستان

وچار ڈیسک
September 9th, 2017

اک پاسے امریکیاں نوں ایہہ ڈر کہ جے رقماں گھٹائیاں تے چین نوں فیدے ہون گے پر دوجے پاسے ٹرمپ ادھر اْدھر کٹ لا کے ایہہ دسنا چاہندا ہے کہ اوہ مفت دی جنگاں نہیں لڑے گا۔پر ہن دونوں کم اکٹھے ہو نہیں سکدے۔امریکیاں تے جداں اوکھاویلہ آندا ہے تے اوہ پارلیمنٹ وچ بحثاں کراندے نیں پر پاکستان اندر اوکھے ویلے وچ وی اک دوجے نوں ڈیگن دا کھیڈ چلدا ہے تاں مارے پورے پک نال فیصلے نہیں ہو سکدے۔امریکی بلارن جو آکھیا ہے اوہ تساں آپ پڑھو۔

امریکہ دی افغانستان و پاکستان لئی بلارن، ایلس ویلز آکھیا ہے کہ افغان امن پاروں پاکستان دے بارے وچ خدشیاںں دی وجہ دہشت گرد تنظیماں دی مسلسل پاکستان توں کاروائیاں کرن دی صلاحیتاں نیں۔ وائس آ ف امریکہ نال گل بات ہوئے ن بی بی رانی ایلس ویلزنے دسیا کہ اسی چاہندے ہاں کہ جس پک نال پاکستان نے ریاست مخالف گروہاں خلاف کاروائیاں کیتیاں نیں اوہ اوسی پک نال پاکستان وچ کم کردیاں دہشت گرد تنظیما ں خلاف وی کاروائیاں کرے۔ ایس سوال دے جواب وچ کیہ پاکستان نوں دتی جان والی مدد وچ گھاٹے پاک امریکہ شراکت داری نوں وگاڑے گی؟ ایمبیسڈر ویلز نے آکھیا کہ انہاں نوں یقین ہے کہ پاکستان دے قومی سلامتی دے ٹیچے افغانستان وچ امن نال جڑے نیں۔ انہاں نے آکھیا کہ میرے خیال وچ کانگریس دے ممبراں جنج اج گل بات کیتی اوس توں جاپدا پے پئی اوہ ایہہ سوالات چُکن گے کہ آخر پیسے خرچن دا ٹیچا کیہ ہے۔ سانوں ایسی شراکت داری لوڑی دی ہے جس توں اساں کامیابیاں ول ودھ سکیے۔ میرے خیال وچ ایہہ دونوں ٹیچے ہی خطے وچ ساڈی ترجیحاں نیں۔ امریکی بلارن واشگٹن وچ امریکی ایوان نمائندگان دی خارجہ امور توں متعلق سب کمیٹی دی سال 2018 لئی جنوبی ایشیا لئی متھے امریکی وزارت خارجہ دے بجٹ بارے ہون والے اجلاس وچ رلتی سی جتھے انہاں نوں کمیٹی ممبراں دے سوالاں دے جواب دتے گئے۔ ٹرمپ انتظامیہ ولوں امریکی خارجہ وزارت دے سالانہ بجٹ وچ کٹوتی دی پالیسی متھن بعد جنوبی ایشیائی ملکاں لئی 2018 دے امریکی وزارت خارجہ دے بجٹ دی مد وچ 220.8 ملین ڈالر رکھے گئے نیں۔ ایس اکٹھ وچ جن ملکاں بارے گل بات ہوئی انہاں وچ بھارت، سری لنکا، نیپال، بنگلہ دیش تے مالدیپ رلتی سن۔ کمیٹی ممبران ایس حوالے توں فکر مند نظر آئے کیہ اینج کرن نال ایہہ ملک خطے دے دوجے ملکاں ول ویکھن گے، خصوصاً چین، جو کہ ایس دا فائدہ چک سکدا ہے۔ مثال دے طور تے سری لنکا لئی سال 2018 دے بجٹ وچ 90 فیصد تک کمی کیتی گئی ہے۔ مالدیپ تے نیپال لئی متھی رقم وچ 87 فیصد اتے 40 فیصد تیک گھاٹا کیتا گیا۔ گل بات وچ پاکستان دے بارے وچ وی ذکر ہوندا رہیا۔ خصوصاً رینکنگ ممبر، بریڈ شرمن نے امریکی وزارت خارجہ دی نمائندہ توں پاکستان دے صوبہ سندھ توں ہون والی مبینہ گمشدگیاں دے بارے وچ دریافت کیتا تے نال ہی نال بھارت وچ ہندو انتہا پسندی دے ودھدے رجحان تے وی سوال چکے۔
ایہہ اوہی رکن نیں جنہاں افغانستان لئی امریکی امداد نوں ڈیورینڈ لائن نال مشروط کرن دی سفارش کیتی ہے


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels