Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> ریفرنڈم اک نواں گھما:سپین دی ونڈ منظور نہیں۔دوجیاں لئی ٹریلر

ریفرنڈم اک نواں گھما:سپین دی ونڈ منظور نہیں۔دوجیاں لئی ٹریلر

October 11th, 2017

کردستان اتے تالونیا(سپین) وچ تے ٹریلر چلایا گیا ہے اتے فلم کتھے چلے گی ایس بارے لکویں فیصلے سامنے نہیں آئے۔ایہہ دنیا نوں سدھا کرن دا نواں گھما ہے پرچیتے رہے، کشمیر وچ ریفرنڈم کدی نہیں ہونا۔اک پاسے باڈر نرم کرن دی گل چل رہی ہے کہ عالمگیریت دے ایس ماحول وچ علیحدگی پسندیاں وطنی ریاستاں نوں باڈر نرم کرن توں پراں کردیاں نیں۔جے مسلہ لوکائی دی آوا جاویاں اتے کار ویہار اتے حقاں دا ہے تے ایہہ مسلہ تے باڈر نرم کرن نال حل ہون ول ودھ سکدا ہے۔آزادیاں دی آڑاں وچ کیسا کیسا کھیڈ رچایا جاندا ہے کہ برما توں سپین تیک ایس دا تماشہ وادھو۔خبر چی ایجنسی والیاں سپین دے وزیراعظم دا بیان چھاپے چاڑھیا ہے۔ایس بیان وچ انہاں آکھیا ہے پئی سپین کسی وی صورت وچ ونڈیا نہیں جا سکدا۔ حکومت ہر طراں دی صورتحال نال نبڑن لئی مکمل طور تے تیار ہے۔سپین دے وزیراعظم ماریانو راخوئی نے آکھیا کہ کاتالونیا دی آزادی دے اعلان دے بعد وی اسپین نوں تقسیم نہیں کیتا جائے گا ۔دوجے پاسے کاتالونیا دے صدر نے موجودہ سیاسی صورتحال تے آئندہ دو دن وچ کاتالونیا دی پارلیمنٹ نال خطاب کرن دا علان وی کیتا ہے۔ علیحدگی پسند سیاستداناں دا کہنا ہے کہ پارلیمنٹ دے اجلاس دے دوران شمال مشرقی علاقے دے 75 لکھ افراد دی آزادی دا اعلان ہوئے گا۔ادھرسپین دے وزیراعظم نے خبردار کیتا ہے کہ حکومت کسی وی ایسے اقدام دی ہر گز اجازت نہیں دے گی جس توں سپین دی وحدت نوں نقصان پہنچے تے ایس صورتحال نال نبڑن لئی قنون دے دائرہ وچ رہندے ہوئے ہر کم کراں گے۔ذرا ٹھنڈے دل نال غور کرو، وکھرے ہو کے وی کاتالونیا والے سپین ہی دے نال رہن گے۔جے مسلہ لوکائی دا ہے تاں اوس نوں حل کرن دے طریقے وادھو پر آپسی جھیڑیاں نال لتی آزادیاں نسلاں نوں برباد کر دیندیاں نیں۔باہرلے کیوں انہاں آزادیاں دے حق وچ ہو جاندے نیں ایس بارے حْب گھٹ تے بغض زیادہ ہوندا ہے۔کاتالونیا دے لیڈر سپین سرکار نال گل بات کرن لئی آزادی دے ڈیکلریشن نوں روکیا ہے کیونجے ایس توں بعدوں ریاستی تشدد ودھ جانا سی۔اج وطنی ریاستاں نوں گل بات دے بہوں سارے بوہے تے کھڑکیاں اتے روشندان کھولنے لوڑی دے نیں تانجے باہرلے ایس نوں ورت نہ سکن۔جتھے ریاست گل بات نہیں کردی اتھے باہرلیاں دی چاندی ہوندی ہے۔کیونجے آزادیاں دے ناں نال ریفرنڈم دا گھما ایس صدی وچ چلاون دے فیصلے ہو گئے نیں تاں مارے وطنی ریاستاں کھلے پن نال ایس توں بچ سکدیاں نیں۔ایہہ رستہ وطنی ریاستاں دا آپدی لوکائی دے پچھڑے گروہاں نال سانگا تگڑا وی کر سکدا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels