امریکہ: بے ایمان پاکستانی افسر نوں ویتنام وچ سفیر لا دتا گیا
وچار ڈیسک
July 22nd, 2008
جی آر بلوچ ناں دا اک افسر جیہڑا امریکی ریاست ٹیکساس وچ کونسل جنرل سی بارے امریکی ایجنسی ایف بی آئی دی تفتیش وچ ایہہ گل ساہمنے آئی کہ اوہنے اک ات وادی ہندوستان کولوں پیسے لے کے اوہنوں پاسپورٹ جاری کیتا سی۔ اوہدے خلاف کوئی کاروائی کرن دی تھاں پرانی پاکستانی سرکار نے اوہنوں سفیر بنا کے ویتنام گھل دتا۔
دسیا گیا ہے کہ اوہنے کئی غیر پاکستانیاں کولوں پیسے لے کے اوہناں نوں پاکستانی پاسپورٹ بنا کے دتے۔ نویں سرکار نے حکم دتا ہے کہ ایس کیس نوں فیر کھولیا جاوے تے پچھ پرتیت کیتی جاوے۔ واشنگٹن وچ پاکستانی سفارت خانے نوں خارجہ سیکریٹری سلمان بشیر نے حکم دتا ہے کہ بلوچ دے زمانے وچ کونسلیٹ وچ جو جو کجھ ہوندا رہیا ہے اوہدی رپورٹ بنا کے گھلی جاوے۔
