ملک دے کئی حصیاں وچ 9 سالاں وچ 26 ہزار376 خود کشیاں

غیر سرکاری ستھ '' مددگار '' موجب پچھلے نواں سالاںوچکار چھبی ہزار تن سو چھہتر بندیاں نے کئی کارناں توں اپنی زندگی مکا لئی جدوں کہ ایس سال دے چھ مہینیاں وچکار خود کشی کرن والیاں دی گنتری 1065 ہے مدد گار نے خود کشی دے کارن دا ذکر کردیاں ہوئیاں اپنی رپورٹ وچ دسیا جو وسیب وچ کھلرن والی بے اعتمادی ، غربت، خاندانی نظام وچ پاڑ، بے روزگاری تے احساس محرومی تے برتری خود کشی ول لیاون والے کارناں وچ گنے جاندے ہین ایس توں وکھ ذہنی پاڑ، ذہنی دبا یاں ڈپریشن تے بھیڑی ذہنی حالت وچ انسان اپنے اعصاب تے اپنا کنٹرول نہیں رکھ سکدا جیس کارن خود کشی کر کے اپنی زندگی مکاون والیاں وچوں نیانے، مرد تے زنانیاں رلتی ہین۔ اوہناں وچوں تراسی منڈے، پچونجاہ کڑیاں، تن سو تن زنانیاں تے چھ سو چویہہ مرد شامل ہین۔ چواں صوبیاں دے حساب موجب بلوچستان وچ اک، پشاور چوہتر، پنجاب پنج سو تے صوبہ سندھ وچ کل چار سو نوے واقعے ہوئے۔