باکسنگ دے کھیڈ دا خیال آوندیاں ہی طاقتور مکے چیتے آوندے ہین پر پیرو وچ اک نکا جیا کتا وی باکسنگ دے کھیڈ توں اینا جانوں ہے جنا کوئی باکسر ہو سکدا ہے۔ شیلا ناں دے پیرو دا ایہہ ساڈھے تن سالہ جرمن پوائنٹر ناں دا کتا حیرانی دی حد تیکر خوبیاں دا مالک ہے۔
ایہہ باکسر کتا اپنے اگلے پنجیاں تے باکسنگ دے اُچیچے دستانے چڑھا کے پچھلیاں لتاں تے کھلوندا ہے ہور وی باکسنگ دے جوہر وکھاوندا ہے۔ چوراں دا راہ لبھنا تے رسیاں نال بنھے بندیاں نوں آزاد کرنا وی ایس دے فن دا حصہ ہے۔ ایس کتے نوں فوج دی اک بریگیڈئیر نے سکھلائی کیتی ہے تے ایہہ اک فرمانبردار شاگرد وانگوں اوہناں دا حکم من دا ہے۔
