کرسیاں دا دھرم کیہ اے؟ کیہ اے ایہناں دا ایمان؟ جس دے تھلے آ گئیاں اوسنوں ہی نے ایہہ جھلدیاں ہور سبھ ایہناں لئی ہن اوہ کباڑ جس نوں کوئی وی کدے جھلدا نہیں ایہناں پچھے غرق ہوئیاں اوہ لکھاں کھوہنیاں پرت کے دسیا نہیں اج تیک جنہاں دا نشان۔ ایہناں پچھے دھرم چھڈ جاندے رہے نے دیوتے ایہناں پچھے ہیرے چٹ جاندے رہے نیں حکمران۔
لوک شاعر شو ناتھ دیاں ایہہ شعری سطراں آپنے ملک وچ کرسی موہ نوں اگھاڑ رہیاں ہین۔ اس کرسی موہ جاں کرسی دنگل دا سبھ توں بھیڑا چہرہ اج کل ممبئی وچ دکھائی دے رہیا ہے۔ اسے کالم وچ پچھلے سوموار اسیں بال ٹھاکرے دی مارا ماری دی سیاست دی واہوا گل کر چکے ہاں پر اس وار فیر سانوں ایہدے تے ہی گل اس لئی کرنی پے رہی ہے، کیونکہ ممبئی اپر سوڑی سیاست تاں جاری ہے ہی سگوں ٹھاکرے گردی وچ سانوں وی فون اپر دیکھ لین دی دھمکی مل گئی ہے۔ ساڈے لئی ایہہ دھمکی کوئی اہمیت اس کر کے نہیں رکھدی کیونکہ اسیں پنجاب دا اوہ کالا دور وی ہنڈایا ہے، جدوں دھمکی سیاست توں بناں کجھ ہوندا ہی نہیں سی۔ اسیں اس گل نوں ایتھے ہی چھڈدے ہوئے بال ٹھاکرے اتے ممبئی ورتارے دے حوالے نال ہی کجھ ہور گلاں پڑھنہاراں نال سانجھیاں کرنیاں چاہوندے ہاں۔
آپنے ملک دے وکھ وکھ حصیاں توں مذہبی، ذاتی اتے کھیتری ٹکراواں دیاں خبراں آؤندیاں ہی رہندیاں ہین پر جس طریقے نال پچھلے کجھ کُو دناں توں بال ٹھاکرے اتے اودھو ٹھاکرے ولوں ممبئی دے مُدے تے شاہ رخ خان توں لے کے سونیا گاندھی اتے راہول گاندھی دے خلاف زہریلے لفظاں دے تیر چلا ئے جا رہے ہین، اوس نال ہر فکر کرن والے بندے دے متھے تے فکر دیاں لکیراں گوڑھیاں ہو گئیاں ہین۔ بال ٹھاکرے دا بھتیجا راج ٹھاکرے تاں مہاراشٹر نوں ملک توں ہی وکھ کر دین دی دھمکی دین لگا ہے۔ ٹھاکرے خاندان جس طرحاں دی بولی وچ گل کردا ہے، اوہ بولی اتے بھاشا دی وی توہین ہی ہے۔ سنہ سنتالی، چراسی اتے ایودھیا، گجرات دا لہو حالے وی چیخ رہیا ہے، ہوا وچ گونجدیاں مارمک لیراں سپنیاں وچ ڈراؤنوں حالے ہٹیاں نہیں ہین پر بال ٹھاکرے ورگیاں لئی اس دی کوئی اہمیت نہیں ہے۔ ایہناں لوکاں لئی ایہناں دی سیاسی کھیڈ اہم ہے۔ بال ٹھاکرے اتے راج ٹھاکرے ایوں کرکے اک دوجے توں وی اگے لنگھن دی کوشش وچ ہین پر خورے اوناں نوں اس دا علم نہیں کہ اوہناں دی ایہہ سیاست سارے ملک دے نال نال اوہناں دے آپنے لئی وی کنی مارُو ہے۔
اصل وچ، جدوں ٹھاکرے خاندان ممبئی نوں صرف آپنی ہی جاگیر سمجھ رہیا ہووے اتے ہر کسے نوں دھمکیاں دیندیاں ممبئی وچ اتری بھارتیاں دا کٹاپا وی چاڑھیا جا رہیا ہووے تاں سوال ایہہ ہونا چاہیدا ہے کہ بندہ دیس وچ ہی پردیسی کیوں ہو جاندا ہے؟ دو ویلے دی روٹی دا جگاڑ کرن لئی بندہ در بدر ہوندا ہے تے ٹھاکرے ورگیاں دی ہوچھی سیاست دا شکار ہو جاندا ہے۔
جیکر آپنے ملک دے ہر صوبے نوں بناں کسے سیاسی وتکرے دے مرکز دی مدد ملے تے صوبیاں وچ بیٹھیاں سرکاراں دے ایجنڈے تے وی آپنے لوکاں دیاں مڈھلیاں لوڑاں اتے ترقی نوں پرمکھتا ملے تاں بناں شک سارے صوبیاں وچ اکسار معاشی ترقی ہووےگی۔ مقابلتاً غریب صوبیاں ول ودھیرے دھیان دے کے اوتھوں دے لوکاں نوں آپنے آپنے گھراں ٹبراں نال جوڑ کے روزگار مہیا کروائے جان دی لوڑ ہے تاں جو اک صوبے توں دوجے صوبے ول ہوندی ہجرت تے روک لگے۔ ایہناں مسئلیاں بارے لوک مکھی سائنسی نظریہ ہی آپنے بہتے دھرمی، بہتے ذاتی اتے بہتے وسیبی ملک دی ایکتا دا ضامن ہے۔ سماں رہندیاں گمبھیرتا نال ایہناں مسئلیاں ول دھیان دینا پوے گا۔ کل نوں ووٹاں دے ونجارے کتے وی اس طرحاں دے مسئلے کھڑے کر سکدے ہین۔ لوکاں توں بے مکھ ہو چکیاں سیاسی پارٹیاں نوں اس طرحاں دے جھرلو سدا ہی لوڑیندے ہین، جیہناں نوں دکھا اتے ورت کے ودھ توں ودھ ووٹاں بٹوریاں جا سکن۔
بال ٹھاکرے بھاویں بھگوے کپڑے ہی پاؤندے ہین پر اوہناں دیاں سیاسی سدھراں دا کوئی انت ہی نہیں ہے۔ بھگویں کپڑیاں دے باوجود اوس دے سفنیاں وچ اقتدار دی ہر رنگینی تیردی ہے۔ اصل وچ جس تیز طرار حکمت عملی نوں اپناؤندیاں بال ٹھاکرے نے سیاسی اخلاقیات دیاں وار وار دھجیاں اڈائیاں ہین، اوس نے اوس دے پیر زمین تے نہیں رہن دتے تے جدوں کسے دے پیر اکھڑدے ہین تاں فیر سنبھالیاں وی سنبھل نہیں سکدے۔ ٹھاکرے نے آپ نوں ہر کسے نوں ٹچ جانن دے ایسے ہنکاری سخر تے پہنچا لیا ہے جتھوں اوس دا دھڑم کردیاں مڑ زمین تے آ ڈگنا نیڑے ہی ہے تے اس دے جھلکارے راہول گاندھی دی تازہ ممبئی پھیری وچکار دیکھن نوں مل ہی گئے ہین جدوں راہول نوں کالیاں جھنڈیاں دکھاؤن دے بال ٹھاکرے دے فرمان دے باوجود ساری ممبئی وچوں ٣٠٠ توں ودھ شو سینک وی اکٹھے نہیں ہو سکے۔ اس نے ثابت کر دتا ہے کہ سیاست دی تاریخ وچ اوہی لوک زندہ رہندے ہین، جیہناں دے پلے سچ ہوندا ہے۔ جھوٹھی کھیتری شان دی سیاست دے گھوڑے تے سوار ٹھاکرے ورگے لوک بڑی چھیتی مودھے منہ ڈگ جایا کردے ہین۔
