ہندوستان وچ سرکار دے وزیراں، وڈے افسراں، میڈیئے اتے اخبار نویساں ولوں ہندوستان دے حالات بارے بہت ہی بھلیکھے پائے جا رہے ہین۔ ہر روز حاکم جماعتاں اتے اوہناں دے نمائندے کوئی وی موقع نہیں چھڈدے جتھے ایہہ بھلیکھے نہیں پائے جاندے۔ ایہناں بھلیکھیاں دا مکھ سنیہا ایہہ ہوندا ہے کہ ہندوستان نے پچھلے ٢٥ سالاں وچ بہت ہی ترقی کر لئی ہے اتے اس نال کروڑاں ہی لوکاں دی غریبی ختم ہو گئی ہے اتے من موہن سنگھ اتے اوہناں دی جنڈی دیاں پالسیاں بہت ہی کارگار اتے کامیاب ثابت ہوئیاں ہین اتے اس لئی ایہناں دی کسے نوں وی مخالفت نہیں کرنی چاہیدی اتے جے کوئی ایہناں دی مخالفت کردا ہے تاں اوہناں نال سختی نال پیش آؤنا چاہیدا ہے کیونکہ ایہہ ملک دی ترقی اتے خوش حالی دے راہ دے روڑے ہی ہین۔
اس دے نال اک ٹنا ہور وی لایا جاندا ہے کہ اس راہ تے چلدے رہن نال کجھ ہی چراں مگروں ہندوستان امریکہ اتے چین نوں پچھے چھڈ کے دنیا دی ساریاں نالوں وڈی سپر پاور بن جاوے گا۔ عام طور تے ٹی وی تے، اخباراں وچ اتے وچلے میل دے گھراں وچ ایہو جہیاں گلاں کیتیاں جاندیاں ہین۔ میرے اک پروفیسر دوست نے مینوں ایہو جیہا اک لیکھ بھیجیا جس وچ اک وڈی کمپنی دے چیئرمین نے ایہو جہے دعوے کیتے سی اتے کہیا سی کہ بئی دیکھو اسیں کنی ترقی کر لئی ہے۔ مینوں اوہ پرانی گل یاد آ گئی کہ مجھ دے سنگ ہوندے ہی نہیں۔
ہندوستان دے وچلے میل دا اک حصہ ایہو جہیاں گلاں کرکے اتے سن کے بہت ہی خوش ہوندا ہے۔ پر سیر آپنے روز دے مسئلیاں نال نجٹھن نوں وی مجبور ہے۔ ایہناں گلاں وچکار ہی مہنگائی دی مار توں پریشان ایہہ وچلا میل سرکار خلاف وی بہت گلاں کرن لگ پیندا ہے۔ اک دوست نے اک دن ایہو جہی گفتگو وچکار کیہا بئی شاید تاریخ وچ ایہہ پہلی وار ہی ہووےگا کہ سپر پاور بنا پاور یعنی کہ بجلی بغیر ہی بن جاوے گی۔ وچلے میل دی کافی وڈی گنتی ایہناں بھلیکھیاں نوں سچ مننا چاہوندی ہے۔ پر اس دے نال ہی اصلیت ہر روز اوہناں دا پلہ نہیں چھڈدی۔ پانی، بجلی، گیس، بے روزگاری اتے مہنگائی اوہناں دا پچھا نہیں چھڈدے۔
حاکم جماعتاں دیاں ساریاں پارٹیاں ایہہ بھلیکھے پاؤندیاں ہین۔ کانگرس، بی جے پی، سی پی آئی (ایم) وغیرہ ہر روز رولا پاؤندیاں ہین کہ ہندوستان نے بہت ہی ترقی کر لئی ہے، پیداوار دی در ودھ رہی ہے پر اس دے نال ہی لوکاں دیاں اکھاں وچ گھٹا پاؤن لئی روز اعلان کردیاں ہین کہ مہنگائی خلاف اتے غریبی خلاف ایہناں نے مورچہ لاؤنا ہے۔ حال وچ بی جے پی اتے سی پی آئی (ایم) نے مہنگائی خلاف مورچہ شروع کرن دا اعلان کیتا ہے۔ کانگرس دے لیڈراں نے وی کھیتی باڑی دے وزیر شرد پوار تے تہمتاں لائیاں ہین کہ مہنگائی لئی ایہہ وزیر ذمے وار ہے۔
ہیٹھلے میل دے لوک ایہناں بھلیکھیاں اتے بھمبل بھوسیاں دا کوئی یقین نہیں کردے۔ حالات اوہناں نوں کجھ ہور ہی سکھاؤندے ہین۔اوہناں دے حالات دنو دن بھیڑے ہی ہوندے جا رہے ہین۔ سو رپیئے کلو دال دا بھاء اوہناں نوں کجھ ہور ہی سکھاؤندا ہے۔
حاکم جماعتاں اتے اوہناں دے نمائندے وچلے میل وچ ایہہ بھلیکھے اوہناں نوں ہیٹھلے میل نالوں توڑن لئی پاؤندے ہین۔ ہیٹھلے میل اتے وچلے میل وچ دفاڑ اوہناں لئی بہت ہی ضروری ہے۔ اس دفاڑ بغیر حاکم میل بالکل وکھرا اتے نکھڑ جاوے گا جس نال اس دی پرتیت دا بحران بہت ہی ڈونگھا ہو جاوے گا اتے لوک سدھے طور تے ایہناں دے خلاف اٹھ پین گے۔ اس لئی ایہناں نوں وچلے میل لئی آپنے نال رکھنا بہت ہی ضروری ہے۔ ہندوستان وچ وچلے میل دی وڈی گنتی نے ہمیشہ ہی مزدوراں، کساناں اتے ہور پچھڑے ہوئے لوکاں نال آپنا موڈھا لایا ہے۔ حاکم میل ایہناں بھلیکھیاں نال اوس نوں عام لوکاں نالوں نکھیڑنا چاہوندا ہے۔
وچلا میل وی آپنے مسئلیاں توں پریشان ہے۔ کال سینٹراں دیاں نوکریاں اتے ہورناں نوکریاں نال اوہناں دے مسئلے حل نہیں ہوندے۔ اوہناں دے سر قرضے دی پنڈ کساناں وانگ ہی بھاری ہوندی جا رہی ہے۔ ہر پاسے ملازماں اتے ہورناں کامیاں دیاں ہڑتالاں دا زور ہے۔ اسے لئی حاکم جماعتاں دے بھلیکھے وی ہور تیز ہو رہے ہین۔ ہر روز ٹی وی تے کوئی نہ کوئی وزیر جاں حاکم جماعتاں دا ہور نمائندہ ایہہ بھلیکھے پا رہیا ہوندا جیہڑے کہ دنوں دن ہور وی کھوکھلے لگدے ہین۔ ایہہ بھلیکھے پاؤن والے بھاویں من موہن سنگھ ، پرکاش کرات،اڈوانی، راہول گاندھی جاں رتن ٹاٹا ہی کیوں نہ ہون۔
