Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> اشرافیہ جمہوریت۔۔۔ نا منظور

اشرافیہ جمہوریت۔۔۔ نا منظور

ارشد محمود
December 3rd, 2014

کیہ ایہہ جمہوریت اے ایتھے کرپٹ لوک سرعام پھرن تے عام بندہ اپنے حقوق لئی ذلیل ہوندا پھرے۔ خاصاں لئی کوئی قانون نہ ہووے۔ قانون تے سبھ ضابطے اشرافیا لئی باندی ہوون تے عام شہری لئی قانون اک خوفناک بلیک میلنگ دی حیثیت رکھدا ہووے۔
جمہوریت دا مطلب ای قانون تے سلوک سبھ دے لئی اکو جیہا ہوندا اے۔ ایہہ کہیا جمہوری نظام اے، امیر امیر تر ہوندا جاوے تے غریب کول بہتر ہوون دی کوئی اُمید وی نہ بچے۔ ایہہ کہیا جمہوری نظام اے جتھے میرٹ، ذہانت، محنت، ترقی دا ذریعہ نہ ہوون سگوں خاصاں دے کنکشن ہونا سبھ توں وڈی کوالیفکیشن ہووے۔ جتھے ہر نوکری تے تبادلہ وکدا ہووے۔ تے ایس دھندے وچ ساری سیاسی قیادت سر عام رلتی ہووے۔ مسئلہ پیپلز پارٹی دا نہیں، کوئی وی پارٹی حکومت وچ ہووے، سانوں سمجھ لینا ہووے گا کہ ایہہ اک کرپٹ جمہوریت اے۔ ایہہ اشرافیا دی خدمت تے اوہناں نوں پالن لئی اے۔ عوام ٹیکس دین والی اے، اشرافیا ٹیکس کھاون والی اے۔ عوام انون تے ضابطیاں دے شکنجے وچ ذلیل و خوار ہوون تے اشرافیہ قانون توں بالا اے۔
ساڈیاں وڈیاں سیاسی پارٹیاں جاگیردار وراثت دے اصول تے چل رہیاں نیں۔ اک مخصوص خاندان دے افراد دا حق حکمران ہونا۔ پارٹی دا سربراہ ہونا۔ انج دی جمہوریت کیہڑی علم سیاسیات دی کتاب وچ درج اے۔ ہاں جمہوریت اک ڈرامہ بن گئی اے۔ پورا انتخابی نظام ای فراڈ اے۔ ویہہ فیصد توں گھٹ ووٹ لے کے سارے ملک دی اکثریتی پارٹی جاندی اے تے اوہ ووٹ وی جیہڑی دھونس، دھاندلی، اقربا پروری، ذات پات، برادری، مذہبی فرقیاں توں ورت کے لے جاندے نیں۔ اوہ سبھناں دے ساہمنے واضح اے۔ پاکستان دی عوام نوں طے کرنا ہووے گا کیہ جمہوریت دا مطلب اک سہولت یافتہ اشرافیہ نوں پالنا اے۔ اوہناں دے اوہی طور طریقے نیں، جو کدی شاہی نظام وچ ہوندے سن۔ بس اوہ ووٹ دے محتاج نہیں سن اوہناں لوکاں نے عوام دے نام نہاد ووٹ نوں شامل کر لیا اے۔ باقی سبھ انداز خسروانا نیں۔ جو انقلاب فرانس دے ویلے شاہی خاندان تے امیر کر رہے سن نال ایس ملک دے بنیادی وسائل نوں ترقی دتی جا رہی اے۔ جس چیز دی اج شدت نال لوڑ اے اوہ اگلے ویہہ تریہہ ورھیاں توں پہلاں میسر نہیں آوے گی ت یایس ویلے تیک لوڑاں کئی گنا ودھ چُکیاں ہوون گیاں۔ بے تحاشہ ابادی نوں روکن دا پربندھ تے فکر کسے نوں نہیں، جو آون والیاں نسلاں نوں مدھ کے رکھ دیوے گی۔ مذہبی شدت پسندی اینی طاقت ور ہو چکی اے کہ کسے وی طرحاں دی سماجی ترقی لئی اوہ سدراہ ہووے گی۔ جنرل روایتی تے ایٹمی اسلحے دے ذخیرے حیران کرن دی حد تیک ودھاندے جا رہے نیں۔ جو خطے وچ امن لئی خطرے ودھا رہے نیں۔ سیاست دا ناں گول دولت سمیٹن تے عوام دے پیسے نال عیش دی زندگی گزارن توں وکھ کوئی عزم تے ایجنڈا نہیں۔ سوچن سمجھن والے حلقیاں وچ جمہوریت تے سیاست داناں بارے سوال اُٹھنے شروع ہو گئے نیں۔ کیہ ساڈے تے اک اشرافیا تے قبضہ کر لیا اے۔ اک خاندان دے وکھو وکھ افراد وکھو وکھ سیاسی پارٹیاں شامل ہوندیاں نیں، اوہناں نوں خانداناں دے افراد اعلیٰ بیرو کریسی وچ وی پائے جاند ے نیں۔ ایہناں دے کجھ افراد فوج دے اعلیٰ افسران ہوندے نیں۔ سارے سیاسی اختلافات دے باوجود ایہہ لوک سماجی تقریباں وچ اک دوجے نال گرم جوشی نال پیش آندے نیں۔ ناد نوش اکٹھے کردے نیں تے جتھے سہولتاں دے وادھے دی گل آوے، ایہہ لوک اکٹھے ہو جاندے نیں۔ ایس لئی پاکستان دی عوام نے جو فوجی نظام حکومت دے خلاف شعور حاصل کیتا اے، ایسے طرحاں ایہناں نوں جمہوریت بارے شعور حاصل کرنا ہووے گا۔ سانوں خاص تے اشرافیہ دی جمہوریت نوں رد کرنا چاہیدا اے۔ جمہوریت صرف اوہ قبول ہووے جو عوام لئی ہووے، جو عوام نوں بہتر نظام زندگی دی ضمانت دیوے۔ جیہدے وچ تعلیم، صحت، روزگار تے رہن سہن دے چنگے ماحول نوں یقینی بنایا جاوے۔ جیہدے وچ قانون سبھ لئی اکو جیہا ہوے۔ ریاستی اداریاں دے کردار نوں مضبوط تے خود مختار بنایا جاوے تے نہ اوہناں دا کم اشرافیہ دے مفاداں دی حفاظت کرنا تے اوہناں دے عیباں نوں لُکانا رہ جاوے۔
ایہہ جمہوریت ہر گز نہیں، جیہدے وچ لوک محنت کر کے شیواں تے خدمتاں دی مینو فیکچرنگ نال پیسہ بناون دی تھاں کرپشن، پرمٹ لائسنس، اجازت نامے، ٹھیکے سرکاری تے غیر سرکاری زمیناں تے قبضے الاٹمنٹاں نال دولت کماون۔ ایہہ جمہوری ہر گز نہیں، جیہدی منتخب اسمبلی استحصال دا شکار عوام نوں ازادی دواون دی تھاں اوہناں دا شکار کرن والیاں دے تحفظ وچ قانون بناوے۔ عوام نوں حقیقی جمہوری نظام دا مطالبہ کرنا چاہیدا اے۔
سیاست داناں لئی کریکٹر تے عوامی خدمتاں دا عنصر بہت اہم شے اے۔ ایہہ اپنے آپنوں صرف ایہناں نال ای مضبوط کر سکدے نیں۔ جے ایہناں دے اندر کوئی کریکٹر تے عوامی خدمت ناں دی کوئی شے نہیں تاں فیر جمہوریت وی اک فریب ای اے۔ ایس ملک وچ اک پاسے اشرافیہ اے، جیہدے وچ جرنیل نیں، بیورو کریٹ نیں، سیاست دان نیں، سیاسی ملائیت اے تے ایہناں دے مقابلے وچ وچاری بے وس عوام اے۔
جرنیل دفاع دے ناں تے لُٹ، مولوی اسلام دے ناں اُتے تے سیاست دان جمہوریت دے ناں تے لُٹ رہیا اے۔ اک نویں عوامی تحریک تے اک نواں شعور دا اُبھرنا ویلے دی اہم لوڑ اے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels