Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> 16 دسمبر۔۔۔ہائے 16 دسمبر

16 دسمبر۔۔۔ہائے 16 دسمبر

وچار ڈیسک
December 17th, 2014
5 / 5 (1 Votes)

خیبرپختونخواہ دی راجدھانی پشاور وچ وارسک روڈ دے آرمی پبلک سکول وچ دہشت گردی پاروں آخری اطلاع تیکر 135 جاناں ختم ہو چکیاں نیں جد کہ ڈھائی سو تو ودھ زخمی وی ہوئے۔ سیکورٹی فورساں دی وردی پائی دہشت گرد حملہ آوراں نے سکول وچ غیر نصابی سرگرمیاں دوران بچیاں تے عملے نوں یرغمال بنا لیا۔ سیکیورٹی فورساں نے جوابی کارروائی کردے ہویاں 3 دہشت گرداں نوں ہلاک کر دتا کالعدم تحریک طالبان نے واقعے دی ذمے واری وی قبول کر لئی۔ پُلس مطابق 6 دہشت گرد کندھ ٹپ کے سکول وچ داخل ہوئے، حملہ آوراں نے سکول وچ داخل ہون توں پہلاں اپنی گڈی نوں وی اگ لا دتی، جد کہ کنے سارے دھماکے وی کیتے گئے۔
پاکستان دے دو ٹوٹے ہون دے دن 16 دسمبر نوں ہون والا ایہہ واقعہ ملکی تواریخ وچ اک ہور شرمناک تے سیاہ مثال قائم کر گیا اے۔ ایہدے توں صرف دہشت گرداں دی سفاکی دا ای پتا نہیں لگدا ایہہ وکھالا وی ہوندا اے کہ اوہ کنے بزدل نیں جیہڑے معصوم بالاں تے پڑھیاراں نال وی تشدد کرن توں باز نہیں آئے۔ طالبان دے اپنے اسلام مطابق وی 16 سال توں گھٹ عمر دے بندے بالغ نہیں سمجھدے جاندے تے اوہناں خلاف ہتھیار چکنا غیر اسلامی کارا اے۔ ایہدے باوجود اوہناں نے ایہہ کارروائی کر کے اپنی بزدلی دا اظہار کیتا۔
پشاور دُکھانت دی نندی وزیراعظم، صدر چارے وزیر اعلیٰ تے جیون کھیتر نال تعلق رکھن والی ہر ڈھانی نے کتیی اے، بدیسی آگوواں نے وی ایہدی نندیا کیتی۔ وزیر اعظم فوری طور اُتے پشاور اپڑے تے سارے اختلاف پاسے رکھدے ہویاں خیبر پختونخوا دے وزیر اعلیٰ دے نال میڈیا نال گل بات کیتی۔ عمران خان نے وی اپنا احتجاجی پروگرام وقتی طور منسوخ کر دتا اے۔ ایہہ بہت مثبت گل اے کہ اجیہے دکھانت ویلے ساڈے سیاستداناں نے اپنے اختلاف پاسے رکھ دتے نیں۔
پاکستان کئی دھاکیاں توں و دہشت گردی دا شکار اے۔ ہُن تیکر وردی والے تے سولین لوکاں دی بہت وڈی گنتی دہشت گردی پاروں موت دے مونہہ وچ جا چکی اے
حکومت نوں چاہیدا اے کہ مارے جان والیاں دے ماپیاں دے اتھرو پونجن لئی فوری اقدام کرے تے دہشت گردی دے خاتمے واسطے کیتے جان والے اقدامات نوں ہور تیز کرے تاں جے دیس دے بازار، سکول، کالج تے ہور ادارے دہشت گردی توں محفوظ ہو سکن۔ دہشت گردی دے خلاف حکومت دی ناکامی دا تاثر بہت ماڑے نتیجے دا کارن بن سکدا اے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels