اﷲ حافظ، مشرف میاں رب تہانوں سلامت رکھے۔ تہاڈا لگ بھگ ٩ سال دا آمریت والا اقتدار بناں کسے چمک دمک توں مُک گیا۔ تہاڈے خلاف مقدمہ چلن توں پہلاں ہی تسیں گدی چھڈن دی سمجھداری دکھائی۔ مقدمہ تہاڈے ہت وچ نہیں سی اتے نہ ہی تہاڈے دیس دے۔ تہاڈے سیاسی کیریئر دے انت وچ بھارت وچ تہاڈے چاہون والے بوہتے ہن، بجائے تہاڈے دیس دے۔ ایہہ اک چھوٹا جیہا معجزہ سی، جس دی شروعات تسیں طاقت دے زور تے کارگل ہڑپن دی کوشش کرکے کیتی سی، جس نے دوہاں دیساں نوں جنگ دے کگار تے لیا کے کھڑا کر دتا سی۔
ہزاراں پاکستانیاں اتے بھارتیاں نے آپنیاں جاناں گوائیاں۔ تہانوں چھیتی ہی ایہہ احساس ہو گیا کہ بھارت نال پنگا لینا بچیاں دی کھیڈ نہیں ہے اتے ساڈے نال چنگے سانگے بناؤنا بوہتا فائدے مند ہو سکدا ہے اتے اجیہا ہی ہویا۔ دوہاں دیساں وچکار سڑک، ریل اتے ہوائی سیواواں وچ ذکرجوگ وادھا ہویا۔ ایسے طرحاں وپار، ونج اتے پیار پریت وچ وی۔ دوہاں دیساں وچکار پہلاں سانگے کدے وی اینے دوستانہ نہیں سن، جنے کہ تہاڈے اقتدار دے آخری دناں وچ ہوئے ہن۔
سانوں تہاڈے خلاف تہاڈے ہی دیس وچ مخالفت دا پتہ نہیں سی کیونکہ سانوں تہاڈے آمریت والے اقتدار اتے لوکاں دے حق ختم کر دین دے فیصلے دا گویڑ نہیں سی۔ تہانوں ایہہ کہاوت تاں پتہ ہی ہووے گی کہ اقتدار بے ایمان بناؤندا ہے، پورا اقتدار پوری طرحاں بے ایمان بناؤندا ہے۔ منیا کہ تسیں پیسے نہیں بنائے جاں آپنے رشتے داراں نوں لابھ والے عہدیاں تے نہیں پہنچایا، جویں کہ زیادہ تر آگو آپنے دیساں وچ کردے ہن پر تسیں آپنے لوکاں دے حقاں اتے آزادی نوں ضرور کھوہیا ہے۔ چیف جسٹس اتے ٦٠ دوجے ججاں نوں برخاست کر دتا۔ اوہناں دی گرفتاری دا حکم دتا اتے آئین نوں رد کر دتا۔
تہانوں پتہ ہونا چاہیدا سی کہ اجیہا کرن دا تہانوں وڈا مُل تارنا پوے گا۔ تہاڈے لوک تہاڈے خلاف ہو گئے۔ تسیں آپنے باہرلے ساتھیاں دا تعاون حاصل کرن دی کوشش کیتی۔ چینیاں دے اکساؤن تے تسیں لال مسجد تے حملہ کرن دا حکم دتا، جیہڑا طالباناں لئی گرم مسالہ بن گیا اتے اسلام آباد وچ اوہناں نے چینیاں دے بیوٹی تے مساج پالراں تے حملہ کر دتا۔ لال مسجد دی خونی کھیڈ وچ بہت سارے لوک آپنی جان توں ہتھ دھو بیٹھے۔
امریکہ دی شہ تے تسیں سوات توں بلوچستان تک اتر پچھم دے کھیتر نوں ہتھیاؤن دی کوشش کیتی۔ بگٹی سنے ہور بہت ساریاں جاناں گئیاں۔ اس نال تہاڈا بچی کھچی ساکھ وی جاندی لگی۔ مجبوری وچ تسیں جو چوناں کروائیاں، اوس وچ تہاڈی پارٹی نوں ہار ملی۔ ہن زرداری، شریف اتے گیلانی ساہمنے آ گئے، جنہاں تناں تے کرپشن دے الزام لگے ہوئے ہن اتے اوہ پاکستان دے سرموہر بن گئے۔ اصل وچ جہڑی چیز دیس نوں اک رکھ رہی ہے، اوہ فوج ہے۔ اسیں پھیر اوس تھاں تے پہنچ گئے ہاں جتھے تہاڈے راج وچ ساں، پر ہن تسیں اوس وچ نہیں ہو۔ بھارت وچ پاکستان دے دوستاں دی اوس نوں جمہوری بناؤن دی کوشش بے کار ہو گئی ہے۔ ایہہ سبھ کہن دے باوجود اسیں اﷲ توں تہاڈے لئی دعا کردے ہاں۔ اقتدار وچ رہندے ہوئے تہاڈے اُپر کئی حملے ہوئے۔ بناں شک اوہ سبھ لوک تہاڈے توں بدلہ لین دی سوچ رہے ہونگے، اس لئی اﷲ حافظ۔
نٹھلے وچار ادھکھڑ عمر دے لوکاں نوں سارا دن کم کرن توں بعد جدوں اوہناں کول کجھ کرن نوں نہیں بچدا تاں اوہناں دے دماغ وچ کیہ چلدا ہے۔ اس بارے سوچ وچار کرن توں بعد میں اس نتیجے تے پہنچیا ہاں کہ اوہ تن چیزاں بارے سوچدے ہن، جنہاں دی مقدار عمر دے نال وکھو وکھ ہندی ہے پر اوہناں دا سانگا زندگی جیون، اگے کجھ کرن، آپنے پچھلے سالاں دیاں یاداں اتے بھلک دی بے یقینی نوں لے کے ہوندا ہے۔ جیکر اوہ ہور وی کم کردے ہوندے ہن تاں اوہ پہلاں ایہہ سوچدے ہن کہ اوہناں دا کم کنا اگے ودھ رہیا ہے اتے کنا پورا کیتا جانا باقی ہے۔ اوہناں نوں جیون لئی روزی روٹی دی چنتا بوہتی ہوندی ہے۔ اوس توں بعد اوہ سیکس دے معاملیاں بارے سوچدے ہن جیہڑے اوہناں نے کیتے جاں کرنے چاہندے سی۔ اوہناں دی سوچ دا ایہی مُڈھ ہے۔ آخر وچ اوہ آپنے پچھوکڑ وچ چلے جاندے ہن اتے آپنے دوستاں بارے سوچدے ہن۔ غلط فہمیاں دے بارے وچ جاں پھر موت بارے، جس نے اوہناں نوں اوہناں دے آپنیاں توں الگ کر دتا اتے ایہہ کہ اوہناں دی قسمت وچ کیہ لکھیا ہے۔ محمد رفیق سودا (١٧١٣-١٧٨١) جو مغل دربار دے شاعر سن، اوہ وی اسے طرح سوچدے سن۔
فکر معاش، عشق بتاں، یاد رفتگاں اس زندگی وچ ہن کوئی کیہ کیہ کرے
روزی روٹی دی چنتا، عورتاں دی محبت، پچھلیاں یاداں آدمی دی زندگی وچ ہور کیہ بچیا رہندا ہے۔ مرزا اسداللہ خان غالب (١٧٦٧-١٨٦٩) دا وی ایہی کہنا سی، سوائے اس دے کہ اوہ موت بارے بہت سوچدے سن۔ اوہناں نے فرصت دا ذکر بہت کیتا ہے۔ جی ڈھونڈتا ہے پھر وہیں فرصت کے رات دن بیٹھے رہیں تصور جانا کیئے ہوئے
بعد دی زندگی وچ آدمی آپنی روزی روٹی بارے گھٹ سوچدا ہے، عورتاں نال سانگیاں دیاں یاداں دھندلیاں پے جاندیاں ہن جس طرحاں وچھڑے دوستاں دیاں یاداں۔ اوہ آپنے انجان بھلک بارے بوہتی چنتا کرن لگدے ہن۔
مشرف دا آخری سنیہا
مینوں ہور کجھ نہیں چاہیدا، مینوں میرے حال تے چھڈ دیو۔ مینوں ہن کجھ وی نہیں چاہیدا، کسے وی قیمت تے مینوں لت مارن دی ڈونگھی سازش ہے۔ میں پوری زندگی ایمان داری نال کم کیتا پر بندے توں کتے نہ کتے غلطی ہو جاندی ہے۔ مینوں معاف کر دیو اتے ودھ چڑھ کے بیان کرن دی کوشش نہ کرو کیونکہ میرے لئی پاکستان ہی سبھ کجھ ہے۔ میں اس نوں خدا دے ہتھاں وچ چھڈدا ہاں۔ ہے خدا اس تے مہربانی کر اتے ساریاں مصیبتاں توں اس نوں بچا۔ قانونی جانکاراں، دوستاں اتے دشمناں نال صلاح کرن توں بعد میں پاکستان دے ہت وچ استعفٰی دیندا ہاں۔ ایہہ صرف پاکستان دے ہتاں دی راکھی لئی ہے، نہ کہ میرے۔
