پاکستانی سیاست وچ اینا رولا تے بے چینی نہیں جنی انٹرنیٹ تے ظاہر کیتی جارہی ہے تے ایہہ گلاں جان کے تہانوں حیرانی ہووے گی جو کسے لئی وی ایس توں بوہتا چنگا ہور کیہہ ہووے گا جو اوہ پاکستان وچ جو کجھ ہورہیا ہے تے جو کجھ نہیں ہورہیا اوہناں نوں انٹرنیٹ تے لوڈ کرے۔
انج شاذونادر ہی ہوندا ہے جو انٹرنیٹ تے لوڈ کیتے گئے مواد یاں شیواںمزاحیہ ہوون۔ جے اوہناں نوں مزاحیہ بناون دی کوشش وی کیتی جاوے تے نتیجہ صفر ہی نکلدا ہے تے جیہڑا مزاح وی پیش کیتا جاندا ہے بوہت گھٹیا معیار نال عبارت ہوندا ہے اج کل انٹرنیٹ تے ایس ایم ایس راہیں پاکستان دے قومی ترانے دی پیروڈی چل رہی ہے۔ بے وزن ہوون پاروں میں دوہواں تناں لائناں توں ودھ نہیں پڑھ سکیا۔ بھاویں ساڈے قومی ترانے وچ تن چار توں ودھ اردو دے لفظ نہیں ہین پر پورے ترانے وچ وزن ہے۔
پیروڈی ترانے بعضے بوہت انوکھی قسم دے کرداردے پیش کیتے گئے ہین۔ اک خورے بوسٹن وغیرہ وچ کِتے وسدا ہے جیہڑا اپنے آپ نوں '' بین الاقوامی پروفیسر '' یاں خدائی فوجدار سمجھدا ہے۔ اوہ ظالم بندہ ہے جیہڑا اینٹی لبرل، اینٹی امریکہ تے القاعدہ دی حمیت وچ اپنے جذبیاں دا وکھالا کردا رہندا ہے۔ اوہ مین سٹریم امریکی سیاست تے صحافت وچ وی تنقیداں کردا رہندا ہے ۔کئی وار اوہدیاں تنقیداں بوہت ڈاڈھیاں ہوندیاں ہین کیوں جو اوہدیاں بوہتیاں لکھتاں انج دے بندیاں دے خلاف کاوڑ چڑھاوندیاں ہین جنہاں بارے اپنی رائے دا وکھالا کردے رہندے ہین۔ امریکہ وچ ایہہ شیواں پکڑ دے قابل تے جرم ہے۔ہوم لینڈ سیکورٹی پن چھان کر سکدی ہے جنہاں تے اوہ تنقیداں کردے ہین اوہناں وچوں کجھ نے اوہنوں کہیا ہے جو اپنیاں لکھتاں دی ساکھ لئی اوہ اپنی پچھان ظاہر کرے پراوہ اک کم دل بندہ ہے۔ اوہ جیہڑا وی ہے تے جتھے وی ہے کند زہر توں وی کِتے بوہتا خطرناک ہے۔
ترانے دا اک کردار شفیق خان ہے جیہڑا اپنا پتہ کینیڈا دا دسدا ہے تے کئی وار پاکستانی سیاست تے سیاست داناں دے خلاف سنیہا انٹرنیٹ تے لوڈ کردا رہندا ہے اوہ جیہڑے ناں توں کم کررہیا اوہ پکی گل ہے جعلی ہووے گا۔ میں اوہ کلا بندہ نہیں جنہے اوہدے ناں نوں لسٹ توں خارج کرن نوں کہیا ہے میں اوہنوں '' بلاک سینڈرز لسٹ'' وچ پا دتا ہے۔ اک ہور اہم کردار لہور دی کوئی زنانی دسی جاندی ہے جیہدا ناں یاسمین علی ظاہر کیتا گیا ہے۔جے کِتے '' مس نیسٹی'' دا مقابلہ ہوندا ہووے گا تے ایس زنانی نوں ضرور ایہہ تاج پوایا جاوے گا پر کیوں جو جیہڑی گل صحیح ہوندی ہے اوہ اُکا ٹھیک ہے تے حقیقت ایہہ ہے جو زنانی دی انگریزی بھیڑی نہیں پر جو کجھ اوہ لکھدی ہے اوہنوں بچاونا اوکھا ہے۔ اک بندہ سید جمال الدین دے ناں توں مواد لوڈ کردا ہے اپنا تعلق فرانس نال دسدا ہے تے پاکستان دے بٹوارے دا بڑا چاہوند ہے اوہ جیہڑا ویب ایڈریس ورت دا ہے اوہناں وچوں اک ایہہ ہے''dividepakistan.com'' اوہدی تے اوہدے پیروکاراں دی پچھان کیوں جو اوکھی نہیں ہے ایس لئی میں اوہناں دی پرواہ نہیں کردا۔ ایہدے توں وکھ ہور وی بندے ہین۔کجھ دیہاڑ پہلوں ملن والی اپنی ای میل توں اک میل بوہت '' باخبر وسیلیاں موجب '' جینوئن سی جو '' جنرل اشفاق پرویز کیانی چھیتی ہی قوم نال خطاب کرن والے ہین۔ '' اوہناں دی تقریر انج شروع ہوسکدی ہے '' میرے عزیز ہم وطنو پاکستان وچ انتہائی مایوسی دی صورتحال دے کارن میں ایہہ پیر پٹیا ہے ''۔
اک ای میل گھلن والا انڈین ہے جیہڑا لندن وچ وسنیک ہے۔ اوہ کئی وار پاکستان نوں صلاح دیندا رہندا ہے اوہدا زور ایس گل تے ہے جو پاکستان دا انڈیا نال کوئی مقابلہ نہیں۔ ایس لئی اوہنوں اپنی کمتر پوزیشن نوں چنگی طرحاں سمجھ لینا چاہی دا تے بوہتا اُچا اُڈن توں ولاونا چاہی دا یعنی چادر ویکھ کے پیر کھلارے جاون تے اک ہور ای میلر آپنے آپ نوں جی بواس ظاہر کردا ہے اوہ اسلام توں بوہت نفرت کردا ہے اوہنوں ملا عمر دی سپرد کر دینا چاہی دا۔چینی تعلیم وچ اہنوں ازسرنو تعلیم کہیا جاندا ہے۔
انج دیاں بے شمار بے معنی تے نفرت والیاں ای میل انٹرنیٹ تے گھم رہیاں ہین۔ بوہتا چنگا ہے اوہناں نوں ڈیلیٹ کر دتا جاوے۔ انج دیاں ای میلاں بلاک سینڈرز لسٹ وچ سٹ دتیاں جاون تاں جو ایس راہیں آون والی کوئی وی ای میل آپنے آپ ڈیلیٹ میل بکس دی نذر ہو جاوے گی۔ تسیں کسے دس سالہ نیانے نوں پچھ سکدے او کہ ایہہ کیویں ہوسکدا ہے انٹرنیٹ نوں سارے فراڈیاں دا گڑھ وی کہیا جاندا ہے۔ لکھاں بندے لالچ یاں نجس یاں دوہواں دے کارن ایہدا شکار ہوجاندے ہین۔ ایف بی آئی دے کول اک انج دا سیکشن ہے جیہدے راہیں لوکاں نوں انٹرنیٹ دے خطرے توں خبردار کیتا جاندا ہے۔
ایف بی آئی موجب ایس ہفتے ایس انٹرنیٹ کرائم کمپلینٹ سنٹر جنہوں IC3 وی کہیا جاندا ہے نوں Hitman دے حوالے نال ہزاراں رپورٹاں ملیاں ہین۔ سنیہا دو ہزارچھ دے اخیر توں انٹرنیٹ تے لوڈ کیتے جارہے ہین۔ سنیہا وچ دعویٰ کیتا گیا ہے جو سینڈر نے جنہوں ای میل گھلیا ہے اوہنوں کسے نوں قتل کرن لئی ہائر کیتا ہے۔ ایف بی آئی نے ای میل تے انٹرنیٹ ورتن والیاں نوں خاص ہدایت کیتی ہے جو اہناں سائبر کرمنل توں ہوشیار رہن جیہڑے تہاتوں ٹھگ سکدے ہین۔ ایف بی آئی نے Hitman ولوں ای میل ملن تے ادارے نوں اطلاع کرن دی ہدایت کیتی ہے۔ بیورو نے ایہہ وی ہدایت کیتی ہے جو انج دیاں ای میلاں دا جواب نہ دتا جاوے انجان یاں مشکوک بندیاں ولوں ملن والیاں ای میلاں نوں نظر انداز کیتا جاوے۔ لوکاں نوں چاہی دا جو ای میل وچ گھلی گئی صرف ان اٹیچمنٹ نوں اوپن کیتا جاوے جیہڑی کسے مجاز ستھ یاں انج دے بندے ولوں گھلی گئی ہووے کیوں جو گمنام ای میل راہیں گھلے گئے Attachments وچ وائرس ہوسکدے ہین۔
