اج لفظ ساتھ نہیں دے رہے۔ اینا محتاج تاں میں کدے وی نہیں ہویا۔ گھٹنا ہی کجھ اجیہی واپری ہے کہ بیان کرن لگیاں لفظ اہڑ ہی نہیں رہے۔ حیران پریشان ہاں کہ جہڑی گھٹنا تہانوں دسن لگیاں میں خود سر بھار دھرتی وچ گڈیا ہویا محسوس کر رہیا ہاں، اوس گھٹنا نوں انجام دین والیاں نوں اک پل لئی وی کجھ وی محسوس کیوں نہیں ہویا۔ ہویا کیہ؟ دسن دی کوشش کردا ہاں؟
لنگھے سوموار ٹبر سنے اسیں اک ویاہ وچ شامل ساں۔ ویاہ جالندھر نیڑے جی ٹی روڈ تے اک قلعے ورگے پیلس وچ سی۔ ویاہ والے دوویں ٹبر برطانیہ توں ہن۔ ہر چیز مہیا سی۔ جشن وچ ڈبے اتے بے حد شور شرابے وچ میں تھوڑا ساہ سوکھا کرن لئی ویاہ ہال وچوں باہر نکلیا تے ٹہلدا ہویا باتھ روم وچ جا وڑیا۔ اوتھے جو کجھ میں دیکھیا، اوہنے مینوں اک وار تاں سن کر کے رکھ دتا۔ پیشاب لئی بنیاں دس دیاں دس تھاواں دے وچکار ٹی وی سکریناں لشک رہیاں سن۔ ٹی وی سکریناں تے فیشن ٹی وی چل رہیا سی۔ لگ بھگ ننگی حالت وچ کڑیاں آ جا رہیاں سن تے سکرین تے پیشاب کر رہے نوجوان، کڑیاں دے انگاں دا ذکر کردے ہوئے نالو نال بے حد بھدیاں ٹپنیاں کر رہے سن۔ کجھ پل سُن حالت وچ کھڑے رہن توں بعد میں بناں کجھ بولیاں باہر نکلیا۔ ویاہ وچ رلتی آپنے ورگے تن ساتھیاں نال گل کیتی تاں اوہ وی حیران تے دکھی ہوئے۔ اسیں اک دوجے نوں کہہ رہے ساں؟ہیں! ایہہ کیویں ہو رہیا اے؟ ایہہ تاں ادھے سنسار مطلب پوری عورت ذات دی ہی توہین ہے۔
خیر اسیں آپو وچی صلاح کرکے منیجر دے کمرے وچ جا وڑے۔ منیجر نال ایہدا ذکر کیتا تاں اوہ ترک دین لگا دیکھو جی ساڈے ایتھے ہی نہیں، ملک وچ ہورناں تھاواں تے وی اویں ہی چلدا ہے۔ اوہ سانوں سمجھا رہیا سی؟ تہانوں پتہ نہیں جی، ایہنوں ڈیزائنر باتھ روم کہندے ہن۔ اخیر سانوں وی تھوڑا سخت لہجہ اپناؤنا پیا تے جدوں اسیں ایہہ کہہ کے اٹھن لگے کہ اک ذمہ وار شہری ہون دے ناطے اسیں تہاڈے تے پولیس کیس رجسٹرڈ کرواؤن جا رہے ہاں تاں منیجر اک دم ڈھلا پے گیا۔ اوہنے ساڈی ہاں وچ ہاں ملاؤنی شروع کر دتی تے اچن چیتی فون کرکے باتھ روم دیاں ساریاں ٹی وی سکریناں بند کرن دے حکم دے دتے۔ حیران کرن والی گل اوہنے ایہہ دسی کہ پچھلے اک سال توں باتھ روم وچ اویں ہی ٹی وی سکریناں چل رہیاں ہن، تسیں پہلے بندے ہو، جہناں ایہدے تے اعتراض کیتا ہے۔ اسیں محسوس کر رہے ساں؟
سراں ہینی بھیڑ وچ اصل بندہ کتھے ہے؟ سبھ کجھ دیکھ سن رہی وڈی بھیڑ دے پیر تاں ہے ہی نہیں۔ ہن جدوں میں لکھن بیٹھا ہاں تاں شاعر متر درشن بٹر دی لکھی نظم دیاں کجھ سطراں ذہن وچ ہتھوڑے وانگ وج رہیاں ہن- اوہ وی ویلا سی جدوں ایہہ چوک اڈیکدا سی راہیاں نوں کوئی کوئی مسافر آؤندا چوک موہ نال اوس نوں منزل ول توردا اج ایہہ بھے بھیت ہے بے لکش دور دی بینکش بھیڑ توں کوئی مہابھارت وی نہیں چھڑی ہوئی مہانماری وی نہیں پھیلی شہر اندر پھیر وی ایہہ بھیڑ سر تے پیر رکھ کے کدھر نوں جا رہی چوک حیران ہے
اس ہفتے ہور بہت کجھ سی لکھن لئی پر اس گھٹنا دے نال ہی پٹیالہ وچ وڈے گھراں دے کاکے کاکیاں دی دارو پارٹی اتے کھنڈالا وچ ٢٩ کسٹم افسراں دے بار گرلاں نال پھڑے جان دیاں گھٹناواں نے کجھ بوہتا ہی پریشان کری رکھیا۔
دراصل ایہہ بندے دے صفر وچ تبدیل ہو جان دی مارُو کتھا ہے۔ ایہہ لالچ، ہوس اتے لٹ دا ترقی کر رہیا اوہ کلچر ہے، جہنے ساڈے سماجی پتن دی عبارت ساڈے متھیاں تے کھرچ دتی ہے۔ گلوبلائزیشن دے اس دیو دے نوکیلے جباڑیاں وچ سماجی قدراں قیمتاں سہک رہیاں ہن۔ ایہنے بندے نوں کم ویلے مشین تے سماجی ویہار وچ پشو بنا دھریا ہے۔ اس مسئلے تے بہت ہی گہر گنبھیر چنتن منتھن دی لوڑ ہے۔ ودواناں اتے سماج کم کرن والے لوکاں اتے سماجی سیاسی جتھیبندیاں ساہمنے ایہہ سبھ توں ودھیرے چنوتی بھرپور ویلا ہے۔ ایہنوں کیویں ٹکرنا ہے؟ سر جوڑ کے بیٹھیاں ہی کوئی راہ نکلے گا۔ اخیر وچ درشن بٹر دی نظم دیاں آخری سطراں نال تہاتھوں اگلے ہفتے تک وداع لیندا ہاں بھیڑ اکھاں تے پٹی بنھ کے تردی جیباں وچ پیر لکو کے چلدی جیبھاں نوں لاکراں وچ رکھ کے بولدی خیالاں نوں سراں وچ دفنا کے بولدی وتھ تے کھلو کے سوچداں ہاں میں کنا اک شامل ہاں اس بھیڑ اندر کنا اک بچیا ہاں آپنے آپ کول وتھ تے کھلویاں نوں بھیڑ کد گولدی ہٹویاں آوازاں بھیڑ کد سندی چوک بولیا بھیڑ دے لنگھ جان دی اڈیک نہ کر بس تریا رہ برابر دی ڈنڈی تے
