واشنگٹن معاہدہ: ہندوستان نوں واہگہ راہیں افغانستان نال وپار دی اجازت مل جاوے گی
وچار ڈیسک
May 7th, 2009
واشنگٹن وچ پاکستان اتے افغانستان دے وچکار اک معاہدے موجب ایس ورھے دے اخیر تیکر ہندوستان نون واہگہ راہیں افغانستان نال وپار کرن دی اجازت مل جاوے گی۔
آصف زرداری دے واشنگٹن دے دورے وچ پچھلے دیہاڑے پاکستان دے خارجہ وزیر شاہ محمود قریشی اتے افغانستان دے خارجہ وزیر دادفر سپانتا نے مفاہمت دی اک یاداشت تے دستخط کیتے۔
ایس یاداشت موجب ایس ورھے دے اخیر تائیں ٹرانزٹ ٹرید تے معاہدے بارے گل بات شروع کر دتی جاوے گی۔ ایس معاہدے مگروں ہندوستان واہگہ اتے درہ خیبر راہیں افغانستان نال سدھا سدھا وپار کرن جوگا ہو جاوے گا۔
دستخط کرن دے اکٹھ وچ گل کردیان امریکا دی خارجہ وزیر ہیلری کلنٹن نے آکھیا پئی ایہہ اک تاریخی موقع ہے کیوں جو ایس معاہدے رت ترتالی ورھیاں توں گوہ ہو رہیا سی۔ اوہناں دا آکھنا سی پئی ایس معاہدے نال افغانستان اتے پاکستان دوہاں دی لوکائی نوں اقتصادی لابھ ہووے گا، غیر ملکی سرمایہ کاری تے وپار دے موقعے ودھ جاون گے۔
