Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> پاکستانی بھارے حکومتی قرضے، بینکنگ لئی خطرہ

پاکستانی بھارے حکومتی قرضے، بینکنگ لئی خطرہ

وچار ڈیسک
April 11th, 2014

بی بی سی : عالمی بینک نے خبردار کیتا اے کہ پاکستانی حکومت ولوں بھاری قرضیاں نا ملک دے بینکنگ دے شعبے نوں خطرے ہو سکدے نیں،پاکستان دی جی ڈی پی دی شرح نمو چنگی اے پر ہُن وی مستقبل دے چیلنجاں نال نبڑن لئی ترقی دی ایس رفتار نوں قائم رکھنا ہووے گا۔ جاری مالی ورھے 2013-14 وچ پاکستان وچ ترقی دی شرح 4 فیصد رہن دا مکان اے۔ حکومت دیاں اقتصادی اصلاحات تے برآمدات وچ وادھے نال کرنٹ اکاؤنٹ خسارا جی ڈی پی او اک فیصد تے مالیاتی خسارہ ہدف دے مطابق 5.8 فیصد رہن دا امکان اے پر زرعی ترقی دی شرح ہدف توں کجھ گھٹ رہوے گی۔ آئی ایم ایف نے وی پاکستان دیاں پالیسیاں اُتے بھرویں اعتماد دا اظہار کیتا اے۔ عالمی بینک ولوں جنوبی ایشیا دی اقتصادی صورت حال بارے وچ جاری کیتی گئی رپورٹ وچ کہیا گیا اے کہ پاکستان وچ جاری مالی ورھے دوران ترقی دی شرح 3.6 توں 4 فیصد تک رہن دا امکان اے، مینو فیکچرنگ تے سروسز دے شعبے وچ بہتری کیتی گئی اے تے سرمایہ کاری دا اعتماد وی بحال ہو رہیا اے۔ رپورٹ وچ کہیا گیا اے کہ جنوبی ایشیاوچ ترقی دی شرح 2013 وچ 4 فیصد رہی جیہڑی 2014وچ 5.2 فیصد رہن دا امکان اے۔ جیہدی وجہ توں سرمایہ کاری تے برآمدات وچ وادھا اے۔ پاکستان وچ افراط زر 7.9 فیصد تے مالیاتی خسارہ 6 فیصد دے آلے دوالے رہوے گا کیوں جے ٹیکس وصولی وچ بہتری تے اخراجات وچ کمی ویکھی گئی اے۔ کرنٹ اکاؤنٹ خسارہ جی ڈی پی دا اک فیصد رہن دا امکان اے جیہدی وجہ ایہہ اے کہ ترسیلات زر تے برآمدات وچ وادھا ہویا اے۔ آئی ایم ایف نے وی اپنے پروگرام اُتے اعتماد دا اظہار کیتا اے پر زراعت سالانہ ہدف توں کجھ گھٹ رہن دا امکان اے۔ صنعتی شعبے وچ بہتری توانائی دی بہتر فراہمی تے انتخابات دے بعد سرمایہ کاراں دے اعتماد دی بحالی دا نتیجہ اے۔ ٹیلی کام دے شعبے وچ عالمی سطح اُتے بہتری ویکھی گئی اے۔ رپورٹ دے مطابق محصولات دی وصولی دا ہدف 2345 ارب روپے دے لاگے رہن دی توقع اے۔ ایف بی آر دی ٹیکس وصولی مالی ورھے 2013ء دے مقابلے وچ بہتر رہوے گی۔ رپورٹ دی مُکھ وکھالی دے موقع اُتے گل بات کردیاں ہویاں عالمی بینک دے جنوبی ایشیا دے معاشی ماہر مارٹن راما نے کہیا کہ پاکستان دی جی ڈی پی دی شرخ چنگی اے پر ہُن وی مستقبل دے چیلنجاں نال نبڑن لئی ترقی دی ایس رفتار نوں برقرار رکھنا ہووے گا۔اوہناں نے کہیا کہ جنوبی ایشیا وچ جی ڈی پی دا تعین اسان نہیں، کیوں جے وڈے پیمانے اُتے معیشت غیر روایتی اے۔ اوہناں نے کہیا کہ پاکستان وچ بینکنگ داشعبہ مضبوط اے پر حکومت ولوں حاصل کیتے گئے قرضے ایس شعبے لئی خطرہ بن سکدے نیں، جیہدے اُتے توجہ دیون دی لوڑ اے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels