سپریم کورٹ نے چرونجاہ ارب روپئے دے قرضیاں دی معافی دے خلاف آپوں نوٹس کیس وچ سینئر ایڈوکیٹ عبد الحفیظ پیرزادہ نوں عدالتی معاون لاوندیاں ہوئیاں کیس دی سنوائی دس اپریل تیکر اگے پا دتی ہے۔ کیس دی سنوائی وچکار فل بینچ دے پردھان جسٹس محمد نواز عباسی نے ریمارکس دیندیاں ہوئیاں آکھیا جو رنڈیاں تے نکے زمینداراں نوں ہاؤس بلڈنگ تے بینکاں والے نیب وچ لے جاندے ہین جدوں کہ وڈے وڈے نادہندگان نوں چھڈ دتا جاندا ہے۔
کیس موجب پچھلے گورنر اسٹیٹ بینک عشرت حسین دے دور وچ وڈے وڈے صنعت کاراں، زمینداراں تے ہور بندیاں دے چرونجاہ ارب روپئے دے قرضے معاف کر دتے گئے سن۔ قرضیاں دی معافی ولوں اک خبر چھپن تے فاضل عدالت نے آپوں نوٹس لیا سی، عبد الحفیظ پیرزادہ نے اک پرائیویٹ ادارے انڈس ویلی ولوں دھر بنن دی درخواست کیتی پر عدالت نے اوہنوں رد کر دتا۔
