سٹیٹ بینک دی اک نویں رپورٹ دے مطابق پاکستانی بینک کھاتے داراں نوں جنہاں نے بینک وچ پیسہ رکھوایا ہویا ہے منافع دین دی بجائے الٹا اوہناں کولوں لے رہے ہین۔
رپورٹ دے مطابق بینکاں نے جو سود یا منافع دتا اوس نال کھاتے داروں نوں ست فیصدی توں ودھ گھاٹا پیا۔ بینکاں نے کھاتہ داروں نوں تقریباً چار فیصد منافع دتا جدوں کہ افراط زر دا در ( شرح) گیارہ فیصدی رہی۔ اس دا مطلب ایہہ ہے جو جے کسے نے بینک وچ اک لکھ روپیہ منافع تے رکھیا تے سال پچھوں اوہ اک لکھ چار ہزار ہو گئے۔ پر افراط زر دا در (شرح ) گیارہ فیصدسی ایس لئے کھاتہ دار دے اک لکھ دی قدر یا قوت خرید چھیانوے ہزار رہ گئی۔ ایس بچت کار نوں بینک وچ پیسہ رکھن وچ منافعے دی تھاں تقصان ہویا۔
بینکاں نے آپ ساڈھے گیاراں فیصدی شرح تے لوکاں نوں قرضے دتے۔ایس لئی اوہناں نے کھاتے داروں توں ست فیصدی کمایا۔ ست فیصدی دی شرح دنیا وچ بڑی اُچی منی جاندی ہے ایسے لئی بینک جانکاراں دا کہنا ہے جو پاکستانی بینکاں لُٹ پائی ہوئی ہے۔
سوادی گل ہے جو ایس پاسیوں سرکاری تے نجی بینک اکو جیڈے لوٹو ہین۔ دوہاں ست فیصد منافع کمایا ہے۔
