ورلڈ بینک نے بھُکھ نال اک نویں لڑائی لئی تیار رہن دا آکھیا اے۔ ورلڈ بینک دے چیئر مین زولک نے کیہا اے کہ آؤن والے کجھ ورھیاں وچ غذائی جنساں دیاں قیمتاں دا ودھدے رہن دا خطرہ اے۔ ایس نوں کجھ واہکاں واسطے چنگی خبر کیہا جا سکدا ہے پر دنیا دے ماڑے تے غریب لوک ایس بحران دے تھلے پِیہے جاون گے۔
ورلڈ بینک دے گویڑاں دے مطابق دنیا وچ 33 اجیہے مُلک ہین جتھے کھان دے تیل دے چڑھدے مُل دی وجہوں سماجی لہر چھِڑ سکدی اے۔ رابرٹ زولک نے کیہا کہ ایس ویلے ساڈی پہلی ترجیح بوہتے لوڑوند لوکاں دی مدد کرنا ہونی چاہیدی اے۔
اوہناں دا آکھنا سی ایس لئی اقوام متحدہ دے ورلڈ فوڈ پروگرام نوں 50 کروڑ ڈالر دی ودھیری لوڑ ہے۔ ایس لوڑ دے ناں ملن تے دنیا وچ ہور وی لوڑوند لوک بھُکھ مری دا شکار ہو جاون گے۔
افریقہ دا قرضہ ودھیا۔
بُدھ نوں ورلڈ فوڈ پروگرام دے چیئرمین جوسیٹ شرن نے دسیا کہ لوکاں لئی کھانا خریدنا اوکھا ہُندا جارہیا اے۔ اوہناں دا آکھنا سی کہ " اسیں کال دا اک نواں چہرہ ویکھ رہے آں۔ اناج مُل رقم ہے لیکن فیر وی ایہنوں خرید نہیں سکدے۔ اسیں سچ مُچ اجیہے اُپرالے لبھنا چاہندے ہاں تانجے اناج دی پیداوار ودھ جاوے تے قیمتاں وی گھٹ ہون جاون تانجے لوک ایہنوں خرید سکن۔ "
اودھر زولک نے کیہا کہ ورلڈ بینک افریقہ وچ زراعت توں متعلق قرضیاں نوں لگ بھگ دُونا کر کے 80 کروڑ ڈالر تائیں ودھا دیوے گا۔ اوہناں دا کہنا سی ایس قرض توں اک نویں سُفنے والی آزادی لیاون وچ مدد ملے گی تانجے زراعت تے ایس توں جڑی دھرو وچ سُدھار لیایا جا سکے۔
اوہناں کیہا ایس توں نِکے واہکاں دی غریبی وی مُکائی جا سکدی ہے۔ ورلڈ بینک دے چیئرمین مطابق زرعی بیوپار تنظیم نوں وی بیوپار توں جُڑے نمائندگیاں توں پرانہہ کرن دی لوڑ ہے تانجے ترقی پذیر ملکاں وچ واہکاں نوں پیداوار ودھاون وچ مدد مل سکے۔
