کراچی وچ زمین دی الاٹمنٹ،4 ارب دا گھپلا کیتا گیا: سینیٹر خالد سومرو

سینیٹر ڈاکٹر خالد سومرو نے کہیا ہے کہ کراچی وچ زمین دی الاٹمنٹ وچ وفاقی وزارت ہاؤسنگ وچ ساڈھے چار کھرب روپئے دا گھپلا کیتا گیا ہے۔ پنجاب بینک وچ وی تیراں ارب روپئے دا اسکینڈل ہے۔ ایہہ گل اوہناں نے اسلام آباد وچ جاری سینیٹ دے اجلاس وچ خیالاں دا وکھالا کردیاں ہوئیاں آکھیا۔

مشیر داخلہ رحمان ملک نے جواب دیندیاں ہوئیاں کہیا کہ کراچی وچ زمین الاٹمنٹ اسکینڈل دی پن چھان ہو رہی ہے۔ ایس وچ رلتی بندیاں نوں سزا دتی جاوے گی تے رپورٹ ایوان وچ پیش کیتی جاوے گی۔پنجاب بینک دے معاملے دی وی پن چھان ہو رہی ہے۔ ایم کیو ایم دے سینیٹر بابر خان غوری نے سینٹ وچ گل کردیاں ہوئیاں کہیا کہ کراچی زمین الاٹمنٹ وچ بناء ثبوت الزام لاونا سازش ہے۔ زمین کسے فرد یاںادارے نوں نہیں دتی گئی سگوں سرکاری نوکراں نوں اوہناں دا حق دتا گیا ہے۔ اوہناں نے آکھیا کہ جے حق دینا بھل ہے تے ایم کیو ایم ایہہ بھل کردی رہوے گی۔