عالمی منڈی وچ تیل دے مُل وچ اجوکا وادھا سٹے بازی پاروں ہویا ہے۔ امریکہ تے برطانیہ دی معیشت جویں ای گھاٹے چوں نکلی تیل دے مُل تھلے آ جاون گے۔ ایہہ گل جارج سورس نے آکھی ہے جیہڑے پورے جگ وچ ہیج فنڈز دے وڈے سرمایہ کاراں وچ گنے جاندے نیں۔
جارج سورس دا آکھنا ہے کہ تیل دے مُل وچ اجوکا وادھا تیل دی منگ تے اوہدی رسد پاروں نہیں ہویا سگوں ایہدے پچھے سٹے بازاں دا ہتھ ہے جیہڑے دو نمبر طریقیاں ورت کے منافعے کما رہے ہین۔ اوہناں آکھیا کہ تیل دے مُل وچ وادھے دیاں وجہاں وچ ڈالر دا ڈگنا، گھبلے چڑھدے وچوں تیل دا آؤن پاروں ڈر تے چین وچ مہنگی توانائی دا کجھ حصہ ضرور رلتی ہے پر ایہہ آکھنا کہ عالمی منڈی وچ تیل اہناں وجہاں پاروں ای مہنگا ہویا ہے اُکا ای جھوٹھ ہے۔
جاج سورس دا دا گویڑ ہے کہ تیل اتے کھاون پیون دیاں وستاں دے مُل وچ وادھے نال امریکہ تے برطانیہ وچ مہنگائی ہور ودھے گی تے معیشت دے ماڑے ہوون نال تیل دی منگ گھٹ جاوے گی تے مگروں ایہو گھاٹا تیل دے مُل گھٹن دا سبب بنے گا۔
