ہندوستان وچ حکومت دے سارے جتناں توں مگروں وی افراط زر مسلسل ودھ رہیا ہے۔ ستاراں مئی نوں مُکن والے ہفتے وچ افراطِ زر دی شرح 8.1 فیصد تے اپڑ گئی ہے۔ پچھلے ہفتے ایہہ شرح 7.8 فیصد سی۔
پچھلے کئی ہفتیاں توں افراط زر دی شرح مسلسل ودھ رہی ہے۔ تیل دی بین الاقوامی قیمتاں وچ زبردست وادھے کارن آون والے ہفتیاں وچ افراط زر دی شرح ہور ودھن دا ڈر ہے۔
دلی وچ افراط زر دی شرح وچ وادھے دا اعلان کردیاں ہوئیاں وزیر خزانہ پی چندم برم نے بھروسہ دواندیاں ہوئیاں کہیا ہے کہ حکومت چھیتی ہی افرط زر وچ وادھے تے قابو پاون وچ کامیاب ہو جاوے گی۔
اوہناں کہیا سی کہ ایہہ اک چنتا والی ہے پر سانوں پک ہے کہ چھیتی اسیں مہنگائی نوں قابو کرن وچ کامیاب ہو جاواں گے۔' پھلاں سبزیاں، دالاں مسالیاں تے صنعتی بالن دیاں قیمتاں وچ ہوون والے وادھے نوں ودھدی ہوئی مہنگائی دا کارن دسیا جارہیا ہے۔
ایہہ حساب کتاب اک انج دے ویلے وچ آئے ہین جدوں حکومت ولوں کسے وی ویلے تیل دیاں قیمتاں ودھن دے اعلان دی آس ہے۔
