سٹاک ہالم دے عالمی امن بارے کھوج کرن والے ادارے نے آکھیا ہے کہ پچھلے دہاکے وچ دنیا وچ فوج تے کیتے جاون والے خرچے 45 فیصد ودھ گئے ہین جیہناں وچ سبھ توں ودھ امریکہ دا ہے جیہڑا اپنے خرچیاں دا ادھ فوج تے خرچ رہیا ہے۔
پچھلے ورھے فوجی خرچیاں وچ چھ فیصدی وادھا ہویا۔ ادارے دی رپورٹ موجب ورھے 2007ء وچ 1339 بلین ڈالر فوج تے خرچے گئے جیہڑا جگ دے جی ڈی پی دا 2.5 فیصد بنندا ہے۔ امریکہ نے سبھ توں ودھ 547 بلین ڈالر فوج تے خرچہ کیتا جیہڑا دنیا دے خرچیاں دا 45 فیصدی ہے۔
فوج تے بوہتا خرچہ کرن والیاں وچ امریکہ توں مگروں برطانیہ، چین، فرانس تے جاپان ہین۔ روس دے خرچے پچھلے ورھے 13 فیصد ودھے ہین تے اُتری امریکہ دے خرچیاں وچ 65 فیصدی وادھا ہویا ہے۔
