یورپ، گلف تے ایشیا دے وڈے سرمایہ دار ایس ویلے دنیا وچ پیسہ لاؤن لئی سبھ توں چنگی تھاں ہندوستان نوں سمجھدے ہین۔ حالیں 800 بندے جیہناں کول بوہت سرمایہ ہے کولوں کیتے جاون والے اک سروے وچ پتہ لگا ہے کہ 69 فیصد سرمایہ دار ہندوستان نوں سرمایہ لاؤن لئی چنگی تھاں سمجھدے ہین ایس توں مگروں دوجے نمبر تے چین ہے۔
ایہہ پہلی واری ہے کہ ہندوستان تے امریکہ بارے کم پُٹھا ہو گیا ہے۔ سروے وچ پتہ لگا ہے کہ جتھے 69 فیصد بندے ہندوستان وچ سرمایہ لاؤنا چاہوندے ہین اونے ای بندے سرمایہ لاؤن لئی امریکہ نوں بھیڑی تھاں سمجھدے ہین۔
ورھے 2007ء وچ کیتے جاون والے ایسے سروے وچ 32 فیصدی سرمایہ داراں نے ہندوستان نوں سرمایہ لاؤن لئی چنگی تھاں متھیا سی۔
