پیٹرول دے مُل وچ گیاراں روپیئے وادھا عام بندے دی ہور شامت
وچار ڈیسک
July 20th, 2008
اوگرا ولوں وزیر اعظم نوں پیٹرول نال بنیاں وستاں دے مُل وچ وادھے لئی گھلی جاون والی سمری دی منظوری دے دتی گئی ہے جیہدے مگروں پیٹرول دیاں وستاں وچ 10 روپیئے تیکر وادھا ہو جاوے گا۔
وزیر اعظم نے منظوری توں مگروں سمری اوگرا نوں واپس گھل دتی ہے۔ سمری دی منظوری مگروں پیٹرول دے مُل وچ 10 روپیئے 97 پیسے فی لٹر، مٹی دے تیل وچ 8 روپیئے 20 پیسے اتے ڈیزل دے مُل وچ 9 روپیئے 49 پیسے وادھا ہو جاوے گا۔
ایس اعلان توں مگروں پورے ملک وچ پیٹرول پمپ مالکاں نے لوکاں نوں پیٹرول ویچنا بند کر دتا ہے تے جتھے تیل ویچیا جا رہیا ہے اوتھے 86 توں 88 روپیئے فی لٹر ویچیا جا رہیا ہے۔
