سٹیٹ بینک آف پاکستان نے مالیاتی پالیسی ہور سخت کردیاں ہوئیاں سود دی شرح اک فیصد ودھا دتی ہے، جیس توں مگروں ڈسکاؤنٹ ریٹ 12 فیصد توں ودھ کے 13 فیصد ہو جاوے گا۔ سٹیٹ بینک دے گورنر شمشاد اختر نے سود دی شرح ودھاون دا اعلان کردیاں ہوئیاں ملکی اقتصادی صورت حال تے عالمی تناظر وچ ڈر دا وکھالا کیتا۔
اوہناں نے کہیاسود دی شرح وچ وادھا افراط زر نوں کنٹرول کرن لئی کیتا گیا ہے۔ گورنر سٹیٹ بینک نے حکومت تے وی بڑی تنقید کیتی تے کہیا جو حکومت دتے گئے قرضے واپس کرے۔
کجھ اقتصادی تجزیہ کاراں دا خیال ہے جو اصلی مسئلے دی جڑ حکومتی پدھر تے مالی بے ایمانیاں تے بد انتظامی ہے۔ سٹاک ایکسچینج تے ایوان صنعت تے تجارت وی سود دی شرح وچ وادھے دی مخالفت کردے آئے ہین۔
