عوام نے ارباں روپئے کڈوا لئے بینک رقم دی کمی دا شکار ہو گئے
وچار ڈیسک
September 1st, 2008
رمضان توں پہلوں عوام نے بینکاں توں ارباں روپئے کڈوا لئے جیہدے توں مگروں رقم دی کمی دا شکار بینکاں نوں مرکزی بینک توںادھار لینا پیا۔بینکاری وسیلیاں نے جیو نیوز نوں دسیا جو یکم ستمبر نوں رمضان المبارک توں پہلوں لوکائی دی وڈی گنتی نے بینکا ںدا رخ کیتا تے یاں تے وڈیاں رقماں کیش دی شکل وچ کڈوا لئیاں یاں اوہناں دا پے آرڈر بنوا لیا۔
دوجے پاسے کھاتیاں وچ رقم جمع کروان دے کاؤنٹر تے رش نظرنہ آیا۔ رقم کڈوان نال ہینکس فنڈز دی کمی دا شکار ہو گئے جیہدے لئی اوہناں نوں اسٹیٹ بینک دا آسرا لینا پیا۔ مرکزی بینک دے ترجمان سید وسیم الدین نے جیو نیوز نوں دسیا جو بینکاں نے سرمائے دی کمی نوں دور کرن لئی اسٹیٹ بینک توں پونے نو ارب روپئے توں ودھ رقم تھوڑے چر لئی لئی ہے۔
