رقم لئی پاکستان توانائی دے اہم اثاثے ویچن تے تیار ہے: امریکی اخبار

پاکستان اپنے بوہت قیمتی توانائی دے اثاثے ویچن دا منصوبہ بنارہیا ہے جیہڑا وڈے گیس فیلڈ دے وِکن نال شروع ہووے گا اہناں اثاثیاں وچ قادر یوگیس فیلڈ، کوٹ ادو پاور پلانٹ ،ہزارہ فاسفیٹ فرٹیلائزر، جامشورو پاورم پرنٹنگ پلانٹس نمک تے کوئلے دیاں کاناں رلتی ہین، ایہہ گل امریکی روزنامے انٹرنیشنل پیر الڈٹر یبون نے اپنی اک نویں رپورٹ وچ کہی ہے۔

رپورٹ موجب پاکستان رقم لئی بے چین ہے تے اوہ توانائی دے اثاثے ویچن لئی تیار ہے کیوں جو اوہنوں آس ہے کہ اوہ انج دے غیر ملکی تے ملکی سرمایا کاراں توں جیہڑے صنعت تے بینکنگ دے شعبیاں وچ ہین،نال ڈیل کر کے ارباں ڈالر کما سکدا ہے۔

تفصیلاں موجب رپورٹ وچ کہیا گیا ہے کہ ایہہ تحریک اُس ویلے آئی ہے جدوں آصف علی زرداری صدارت دے عہدے تے آون والے ہین تے ایہہ سارا کجھ تیل دیاں ودھدیاں قیمتاں تے سست رفتار معیشت دے کارن ہویا ہے۔ پاکستان ایس ویلے خسارے دے مگروں وی جیہڑا ایس دھاکے وچ سب توں ودھ ہے اپنی معیشت دے استحکام لئی جتن کر رہیا ہے۔اِکی بلین دا تجارتی خسارہ افراط زر جیہڑا پچھلے تریہہ سالاں وچ سب توں ودھ جولائی وچ 24.3 فی صد رہیا تے ودھدی ہوئی بے روزگاری دی شرح جیہڑی دو ہزار نو وچ چھ اعشاریہ چھ فیصد ہو جاوے گی۔

رپورٹ وچ اک بینکر دا حوالہ دتا گیا ہے جنہے پاکستان دی حکومت نوں صلاح دیندیاں ہوئیاں کہیا ہے جو حکومت سرمایا کاری دے سارے آپشن ورت رہی ہے حکومت نے کئی بینکاں نال معاہدہ کیتا ہے تاں جو سرمایا مل سکے۔غیر ملکی سرمایا کار جیویں کہ بینکاں نے کراچی اسٹاک ایکسچینج وچ سرمایا کاری کیتی تے اوہنوں دنیا دی سب توں چنگی اسٹاک ایکسچینج بناون وچ مدد دتی اوہناں نے سیاسی عدم استحکام دی بناء تے سرمایا کڈھ لیا جیہدے کارن عالمی سرمایا گھٹ ہو گیا۔ رپورٹ موجب پاکستان وچ قادر یور گیس فیلڈ وچ دو اعشاریہ نو ٹربلین کیوبک فٹ گیس ہے یاں بیاسی اعشاریہ اک بلین کیوبک میٹر قدرتی گیس دے ذخیرے دریائے سندھ دے سیلابی میدان وچ چار سو پنجھی کلومیٹر کراچی دے شمال مشرق وچ ہے ایہدی قیمت بینکاں دے دو تجزیہ کاراں نے تن بلین ڈالر لائی ہے پاکستان ایس پیشکش تے غور کررہیا ہے پیشکش کرن والیاں وچ اوہ غیر ملکی کمپنیاں وی جیہڑیاں پہلوں ہی پاکستان دی توانائی دی صنعت وچ رجھیاں ہین جیویں کہ کویتی اسٹیٹ کارپوریشنز تے ادایم ڈی پرائیویٹ آسٹریلین کمپنی رلتی ہین رپورٹ وچ کہیا گیا ہے جو قادر پور گیس فیلڈ دی فروخت بوہت پھڈا پاوے گی کیوں کہ ایہہ فیلڈ اسڑیجک انرجی اثاثہ سمجھی جاندی ہے ایس گل دی کوئی ضمانت نہیں کہ ایہہ فیلڈ وکے گی پاکستان دے پرائیوٹیشن کمیشن نے اگست وچ کہیا سی جو اوہ کوٹ ادو پاور نوں وی ویچن دا ارادہ رکھدا ہے تے انج ہزارہ فاسفیٹ فرٹیلائزر نوں نجی شعبے وچ دیون دا ارادہ رکھدا ہے انج جامشورو پاور پرنٹنگ پلانٹس تے سالٹ تے کوئلے دیاں کاناں وی پرائیویٹ شعبے نوں دیون دا پروگرام ہے۔