سود خوراں اتے اوہناں دے یاراں دے لوکاں نوں ڈراوے اتے بلیک میلنگ
جسپال سنگھ
October 1st, 2008
امریکہ وچ سود خوراں ولوں آپ ہی بنائے ہوئے مالی بحران اتے معاشی بحران لئی ذمے وار سود خور اتے اوہناں دے نمائندے لوکاں نوں ڈراوے دے رہے ہن اتے بلیک میل کر رہے ہن کہ جے اوہناں نوں ارباں کھرباں ڈالر ناں دتے گئے تاں لوکاں لئی بہت ہی برا ہووےگا، اس لئی امریکی کانگرس نوں چھیتی توں چھیتی ارباں کھرباں ڈالر اوہناں سود خوراں دے حوالے کر دینے چاہیدے نیں۔ جے اس طرحاں ناں کیتا گیا تاں پوری معیشت دا بہت بھیڑا حال ہووےگا۔امریکہ دے پردھان بش نے آپنی تقریر وچ وی اس ڈراوے اتے بلیک میلنگ تے ہی زور دتا ہے۔
دوجے پاسے اک خبر مطابق امریکی کانگرس دے ممبراں نوں امریکہ دے لوک ہر گھنٹے 3000 تو ودھ سنیہے بھیج رہے ہن، جنہاں وچ اوہ اہناں سود خوراں دی بہت ہی نکھیدھی کر رہے ہن اتے اوہناں نوں ارباں کھرباں ڈالر دین دے خلاف ہن۔ عام لوکاں دا کہنا ہے کہ ایہناں آگواں اتے سود خوراں نے رل کے پہلاں ہی بڑی لٹ مچائی ہے ہن ایہہ پھیر خزانہ لٹنا چاہندے ہن۔
رپبلیکن اتے ڈیموکریٹک دوویں پارٹیاں سود خوراں ولوں لوکاں دے پیسے اتے خزانے دی لٹ نوں جائز اتے لوکاں دی بھلائی ہی دس رہیاں ہن۔ اوبامہ اتے مکین وی سود خوراں نوں ارباں ڈالر دین دے حق وچ ہن۔ اوہ وی سود خوراں دا ہی راگ الاپ رہے ہن کہ جے اس طرحاں ناں کیتا تاں لوکاں دا بہت نقصان ہووےگا۔خزانے دی لٹ دی ونڈ بارے رپبلکن اتے ڈیموکریٹک پارٹیاں وچ مت بھید ہے اس لئی سوموار نوں پہلا بل کانگرس وچ پاس نہیں ہو سکیا۔
ایہناں ساریاں دیاں دلیلاں بالکل عراق تے حملہ کرن والیاں ورگیاں ہی ہن۔ اوس ویلے برطانیہ دے پردھان منتری ٹونی بلیئر، صدر بش، ڈیموکریٹ اتے رپبلیکن ایہہ رولا پا رہے سن، کہ عراق 45 منٹاں وچ ہی امریکہ اتے برطانیہ دے اندر ات وادی حملے کرکے ملک نوں برباد کر سکدا ہے۔ اس کرکے سبھ ملکاں دی راکھی واسطے ایہہ حملہ بہت ہی ضروری ہے۔ اج ایہہ ثابت ہو چکا ہے کہ ایہہ سبھ کجھ جھوٹھ اتے فریب ہی سی۔ لوکاں دی بہت مخالفت دے باوجود وی حاکم ٹولے دے میل اتے اوہناں دے راج نے عراق تے حملہ کر دتا۔
ایسے طرحاں اج وی امریکی کانگرس اتے حاکم ٹولے دے ہور نمائندیاں نے لوکاں دی مخالفت دے باوجود وی سود خوراں نوں ارباں کھرباں ڈالر دین دا فیصلہ کر لیا ہے۔ اس توں اک وار پھیر صاف ظاہر ہوندا ہے کہ لبرل ڈیموکریسی وچ لوکاں دی رائے دا کوئی مل نہیں پایا جاندا۔ لبرل ڈیموکریسی وچ ریاست اتے حکومت لوکاں دی دولت نوں سود خوراں اتے منافع خوراں دے حوالے ایس جاں اوس بہانے کرن لئی ہی ہوندا ہے۔ بھانویں کوئی وی پارٹی طاقت وچ ہووے حکومت خزانہ لٹ کے سود خوراں دے حوالے کر دیندی ہے۔ پچھمی بنگال وچ کامریڈ وی ایہو کر رہے ہن۔ اوہ سنگور اتے بنگال دے لوکاں نوں کہہ رہے ہن کہ جے سنگور دے لوکاں دی زمین ٹاٹے نوں ناں دتی گئی تاں اسمان ٹٹ پوے گا۔
سود خور ہمیشاں ہی کسے نہ کسے بہانے خزانہ لٹن دی جھاک وچ ہوندے ہن۔ ہمیشاں ایہو دلیل دتی جاندی ہے کہ خزانے دی لٹ بہت ہی ضروری ہے۔ جے ارباں کھرباں ڈالر ایہناں دے حوالے ناں کیتے گئے تاں ہنھیر مچ جاوے گا۔ ایہہ آپ ہی مالی اتے دوجے مسئلے اتے بحران پیدا کردے ہن اتے اوسدے بہانے ہیٹھ سود خوراں دا ٹولا خزانہ لٹ لیندا ہے۔ جنگ اتے مالی بحران اس ٹولے دا پرکھیا ہویا ہتھیار ہے۔ ایہناں دوہاں ہتھیاراں راہیں ایہہ لوکاں دے گل وچ گوٹھا دے کے پیسے لٹدے ہن۔ ہر دس باراں سال بعد اس طرحاں دا بحران پیدا کرکے ایہہ خزانہ لٹدے رہندے ہن۔
جے ایہناں سودخوراں دیاں کمپنیاں اتے بینک فیل ہو جان تاں لوکاں دا کجھ وی نقصان نہیں ہوناں۔ جیہڑا پیسہ سرکار ایہناں سود خوراں دے حوالے کرن جا رہی ہے اوس پیسے نال لوکاں نوں سود بغیر قرضے دتے جا سکدے ہن جس نال اوہ آپنے گھر اتے عمارتاں خرید سکن۔ اس پیسے نوں اتے ہور پیسے نوں اک فنڈ وچ پاکے لوکاں سر سود خوراں دے قرضے ہن اوہناں نوں ختم کرنا چاہیدا ہے۔ اس پیسے نال لوکاں دے روزگار، صحت اتے تعلیم دا پربندھ کیتا جا سکدا ہے۔
پر سرکار اتے ریاست لوکاں دی مخالفت دے باوجود وی ایہناں سود خوراں نوں جنہاں نے لوکاں نوں پہلاں بہت لٹیا ہے اوہناں نوں ارباں کھرباں ڈالر دین گے۔ ایہہ اس توں ٹل ہی نہیں سکدے۔کانگرس وچ بحث مباحثہ تاں حصے ونڈن لئی ہے کہ کس سود خور نوں لٹ دا کناں اک حصہ ملے گا۔
لوکاں نوں آپنی پیدا کیتی ہوئی دولت اتے خزانہ آپنے ہتھ وچ لین دی لوڑ ہے تانجے اوہ خود آپ فیصلے کر سکن اتے آپنیاں لوڑاں پوریاں کر سکن ناں کہ سود خوراں نوں ارباں کھرباں ڈالر دتے جان۔ امریکی کانگرس دے ممبراں اتے سیاسی پارٹیاں نے لوکاں ولوں بھیجے گئے لکھاں ہی سنیہیاں تے بالکل غور نہیں کرنا۔ پہلاں وی اہناں نے لوکاں دی گل ول کوئی دھیان نہیں دتا اتے ہن وی نہیں دینا۔ ایہناں پارٹیاں نے ایہو بھنگ ہی بھننی ہے۔ ایہناں وچولیاں نوں ہٹا کے لوکاں نوں حکومت سدھا آپنے ہتھ وچ لین دی پالیسی اپناؤن دی لوڑ ہے، تانجے اوہناں دی محنت دی کمائی والا خزانہ کوئی ہور لٹ ناں سکے۔
