امریکی مالیاتی بحران نے دنیا دیاں ساریاں معیشتاں نوں ہلا کے رکھ دتا: براؤن

برطانیہ دے وزیر اعظم گورڈن براؤن نے کہیا ہے جو امریکی مالیاتی بحران نے دنیا دیاں ساریاں معیشتاں نوں ہلا کے رکھ دتا ہے۔ کوئی وی ترقی یافتہ یاں ترقی پذیر ملک ایہدے بھیڑے اثراں توں نہیں بچیا۔برطانوی وزیر اعظم نے آزاد منڈی دے نظام نوں پھیر اپنے پیراں تے کھلیارن لئی سارے حمیتی ملکاں تے زور دیندیاں ہوئیاں کہیا کہ مضبوط بینکنگ سسٹم لئی چھیتی کاروائی کیتی جاوے۔ برطانوی وزیر اعظم نے پریس کانفرنس نال خطاب کردیاں ہوئیاں امریکہ تے یورپی یونین توں منگ کیتی جو مالیاتی بحران تے قابو پاون لئی بین الاقوامی، بینکنگ سسٹم تے آزاد منڈی تے عالمی اعتماد بحال کرن لئی چھیتی تے سخت کاروائی کیتی جاوے۔