سونے دا مُل: 10 ورھیاں وچ دنیا وچ 250 فیصد تے پاکستان وچ 453 فیصد وادھا
وچار ڈیسک
November 1st, 2008
پچھلے دس ورھیاں وچ عالمی منڈی وچ سونے دے مُل وچ ڈھائی سو فیصد وادھا ہویا ہے جدوں کہ پاکستان وچ سونے دے مُل وچ وادھا ساڈھے چار سو فیصد توں وی ودھ گیا۔
آل سندھ جیولرز ایسوسی ایشن ولوں جاری کیتے گئے آنکڑیاں موجب اپریل 1999 وچ وچ عالمی منڈی وچ سونے دا مُل 282 ڈالر فی اونس سی تے پاکستان وچ سونے دا مُل 5500 روپیئے سی۔
جے ہُن سونے دے مُل نوں عالمی منڈی اتے پاکستان وچ ویکھیا جاوے تے پتہ لگدا ہے کہ پچھلے دس ورھیاں وچ عالمی منڈی وچ سونے دے مُل وچ 256 فیصد وادھا ہویا جدوں کہ پاکستان دی مقامی منڈی وچ سونے دے مُل وچ 453 فیصد وادھا ہویا۔
تجزیہ کاراں موجب ایس طرحاں ملک دی مقامی منڈی وچ سٹے بازی اتے ایس وچکار روپے دی قدر وچ 60 فیصد گھاٹے پاروں عالمی منڈی دے مقابلے وچ سونے دے مُل وچ 200 فیصد ودھ وادھا ہویا۔
