پاکستانی قوم دے قرضے اجوکے دور وچ گھٹن دے تھاں ہور چھیتی ودھنا شروع ہو گئے ہین تے ملک تے گھروکی تے باہرلے قرضیاں دا بھار ودھ کے 6900 ارب روپئے تیکر اپڑ گیا ہے۔
پچھلے چھ مہینیاں وچ پاکستانی قوم تے اک ہزار ارب روپئے توں ودھ دا بھار ودھیا ہے۔ جون 2007 وچ پاکستان تے گھروکی اتے باہرلے قرضیاں دا بھار 4814 ارب روپئے سی جیہڑا جون 2008 وچ ودھ کے 5901 ارب روپئے ہو گیا ہے۔
2007-08 مالی ورھے دے باراں مہنیاں وچ 1087 ارب روپئے دا قرضہ ودھیا سی پر ایس مالی ورھے 2008-09 دے پہلے چار ہفتیاں وچ گھٹو گھٹ 1000 ارب روپئے دا قومی قرضہ ودھ گیا ہے۔ جے ایہہ قرضے انج ای ودھدے رہے تے جون 2009 تیکر پاکستانی قوم تے 2000 ارب دے وادھو قرضیاں دا بھار وی لدیا جاوے گا۔
ایس ویلے پاکستان تے گھروکی اتے باہرلے قرضیاں دا بھار جیہڑا 6901 ارب روپئے دا ہے اوہ ایس مالی ورھے دے اخیر تیکر 7100 ارب روپئے تیکر اپڑ جاوے گا۔
