اک آن لائن سیفٹی گروپ موجب انٹرنیٹ تے فراڈ کرن والے گروپ کسے بندے دی پوری مالی پچھان اسی پاؤنڈ وچ ویچ رہے ہین۔ ویچن والے ناں، پتہ پاسپورٹ نمبر تے کریڈٹ کارڈ نمبراں ورگیاں گجھیاں گلاں دسدے ہین۔ بی بی سی نوں وکھائی جاون والی اک ویب سائنس تے پچھان دی گل بات انفرادی طور تے پنج پاؤنڈ یاں پھیر اسی پاؤنڈ دے پیکیج دی صورت وچ ملدی سی۔
ماہراں موجب ایس ویلے ہر دساں وچوں چھ بندے اپنے مالیاتی کم کار آن لائن نبیڑ دے نیں تے ایہو کارن ہے جو 'ای کرائم ' نال نبڑن لئی لوکائی نوں ہور کاروائی کرن دی لوڑ ہے۔ ''گیٹ سیف آن لائن '' ناں دے جتھے دا جنہوں پلس بینکاںتے سرکاری حمیت ہے آکھنا ہے جو پچھان تے ڈیٹا دے بین الاقوامی وپار دے کارن پچھان دی چوری اک گنجل دار مسئلہ ہے۔
گروپ موجب برطانیہ وچ کمپیوٹر ورتن والے بندیاں وچوں ادھے پچھان دی چوری دے خطرے دا شکار ہین کیوں جو اوہ فائر وال یاں انج دے حفاظتی پروگرام نہیں ورت رہے ہین جنہاں نال پچھان چوری کرن والے پروگراماں دی نشاندہی ہوسکے۔ ماہراں دا ایہہ وی کہنا ہے جو چوکھے لوکی چوکھیاں ویب سائٹاں لئی اک ہی پاس ورڈ ورت رہے ہین جیہدے نال بینک تفصیلاں تے ہور حساس گلاں اکٹھیاں کرنا سوکھا ہو جاندا ہے۔
' گیٹ سیف آن لائن ' دے ٹونی نیٹ موجب اہناں معلومات لئی خریدار بندے خریداری راہیں اوہناں نوں چھیتی توں چھیتی ورت دے نیں۔اوہناں موجب ' جے انٹرنیٹ ورتن والے بوہت تھوڑی جئی رقم تے ویلا ورت کے ایس گل دی پک کر لین جو اوہناں دا کمپیوٹر محفوظ ہے تے انج دے مالیاتی تقصان دا خطرہ نہ ہوون دے بروبر رہ جاندا ہے۔'
