حماس نوں شک ہے پئی اسرائیلی خفیہ ایجنسی "نوجوان پیڑھی نوں خراب" کرن لئی جنسی شہوت ودھاؤن والی چیونگم گھل رہی ہے۔
"سانوں غزہ پٹی توں اسرائیلی بارڈر کراسنگ وچ دو اجیہے کُشتے لبھے ہین۔" حماس پلس دے بُلارے اسلام شاہوان ہوراں دا آکھنا ہے " پہلا کشتہ چیونگم تے دوجا ڈراپس دی شکل وچ لبھیا اے۔"
اسلامی لہر جیہڑی فلسطینی علاقے تے دو ورھیاں توں حکومت چلا رہی ہے دا کہنا اے پئی اوہناں اجیہی وَستاں نوں لیاون والے دو گینگ پھڑے ہین۔ "اوہناں پُن چھان سمے مَنیا ہے پئی اوہناں دا سانگا صیہونی خفیہ ادارے نال ہے"
شاہوان دا کہنا سی پئی اک مشکوک آدمی دا کہنا اے پئی اوہنوں ایہہ شے اسرائیلی انٹیلی جنس افسر نوں بہوں سستے بھاء تے ایہہ کہندیاں دِتی " پئی اوہنوں رقم دی لوڑ نہیں، پر ایہنوں غزہ دے جوان لوکاں وچ ونڈیا جاوے۔" ۔
" انیٹیلی جنس سروس دا مَتا پاڑھواں وچ ایس شے نوں وَنڈ کے نویں پیڑھی نوں وِگاڑنا ہے"
اسرائیلی میڈیا دی رپورٹ موجب ایہہ کہانی اودوں ساہمنے آئی جدوں اک فلسطینی نے شکایت درج کرائی پئی ایس چیونگم نوں کھان مگروں اوہدی دھی دی "پُٹھیاں حرکتاں" کرن لگ پئی سی۔
اسرائیلی ملٹری سرکاری طور تے ایس الزام توں اِنکاری ہے جدکہ اِک ملٹری وسیلے نے ایہنوں "گھٹیا" آکھیا ہے۔
