'دی سن' اخبار نے اک سائنسی رپورٹ چھاپی ہے جیہدے موجب ہتھ رسی کرن والے گبھرواں وچ اخیرلی عمرے پروسٹیٹ کینسر دا ڈر ودھ جاندا ہے تے دوجے پاسے ایہہ وی دسیا گیا ہے پئی وچلی عمرے ہتھ رسی دماغی غدوداں دی بیماری توں وی بچاؤندی ہے۔
ایہہ کھوج نوٹنگھم یونیورٹی دے سائنسی کھوجیاں نے کیتی ہے جیہدے وچ اوہناں نے 800 بندیاں نوں اوہناں دے جنسی ویہاراں بارے سوال کیتے سن۔ ایہناں وچوں ادھیاں نوں کینسر دا روگ لگا سی تے ادھے بچ گئے سن۔
ایس کھوج وچ بندیاں نوں پچھیا گیا سی پئی اوہ کنی واری جنسی عمل کردے سن تے ہتھ رسی کنی کردے سن۔ ایس توں اڈ اوہناں کولوں اوہناں دی حیاتی دے ویہویں دہاکے، تیہویں، چالیہویں تے پنجاہویں دہاکے وچ اوہناں دے جنسی عمل وچ رلتی رہن والے سنگیاں دی گنتی وی پچھی گئی سی۔ کھوجیاں دا آکھنا ہے پئی کینسر دے روگیاں وچوں 40 فیصدی دا آکھنا سی پئی اوہ جنسی کم بہتا کردے سن۔
